JOSUA 8:17 - BIBEL JAMITA NA DENGGAN

¹⁷ Ruar ma sandok jolma na di Ai laho mangkojar angka halak Israel gabe dipadiar kota i talak songon i umpe adong na manjagosa.

JOSUA 8:17 ပူးပေါင်းရင်းမြစ်များ

PANGARATAION 2:30

Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.

JOSUA 8:16

Madung disuru haruar sude halaklahi na di kota Ai laho mangkojar si Josua dohot parangannia i. Jadi mur dikojar halahi si Josua, mur dao ma halahi dioban sian kotana.

JOSUA 8:18

Dung i didok Tuhan ma tu si Josua, “Angkat hujurmi jana ondamkon adop Ai; saonnari Hulehen ma kota i tu ho.” Dipatulus si Josua ma songon na niparentahon ni Tuhan i tusia.

JOSUA 8:3

Jadi marhobas ma si Josua laho kehe tu Ai rap dohot sude tentarania. Dipili ia ma tolu pulu ribu angka parporang na dumenggan jana disuru ia ma halahi borngin-borngin

HAKIM-HAKIM 20:31

Laing mangaroro do angka halak Benyamin i, jadi gabe diompani ma halahi haruar sian kota i. Laing songon na dung salpu i, dipungka halahi ma mamunui halak Israel di inganan na talak di ruar ni kota di dalan laho tu Betel dohot di dalan laho tu Gibea. Hona bunu ma halak Israel tolu pulu halak.