JOSUA 7:26 - BIBEL JAMITA NA DENGGAN

²⁶ Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.

JOSUA 7:26 ပူးပေါင်းရင်းမြစ်များ

2 SAMUEL 18:17

Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

2 SAMUEL 21:14

Dung i ditanom ma holi-holi ni si Saul dohot si Jonatan dohot sipitu halak i di kuburan ni si Kis amang ni si Saul, di Zela na di Luat Benyamin. Dung sidung dipadalan sudena i hombar tu parenta ni raja i, dipatulus Debata ma tangiang ni halahi salaho tu luat i.

2 JUJUR TAON 29:10

Saonnari au giot mambaen parjanjian dohot Tuhan, Debata ni Israel, anso ulang muruk be Ia tu hita.

ESRA 10:14

Paloas ma angka pamimpinnami tinggal di Jerusalem on laho mangurus soal on. Jadi angkon ro be ma sanga ise na marripehon bangso na asing na adong di angka kotanami be di hatiha na ditontuhon rap dohot angka pamimpin dohot angka panguhum na di kotana be. Jadi muda songon i nada muruhan ni Debata be hita hara ni parkaro i.”

MASMUR 85:4

Marpangulahi ma rohaMu mida hami, ale Debata sipalua hami, ulang be muruk Ho tu hami.

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JESAYA 65:10

jana marsomba tu Au. Biri-biri dohot lombu ni halahi manjampali ma di Napa Saron dohot di Rura Akhor.

ANDUNG 3:53

Diambungkon halahi tu sumur au lalu didangguri dohot batu.

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

JOEL 2:18

Jadi mangulahi ma dipareso Tuhan tanoNia i jana dihaholongi Ia bangsoNia.

JUNUS 1:15

Lalu didanggurkon halahi ma si Junus tu bagasan laut i. Jadi manigor ompot ma so ombak i.

ZAKARIA 6:8

Dung i pio-pio ma surusuruan i tu au, ning ia ma, “Kudo na kehe tu Babel i ma na giot paombun muruk ni Tuhan.”

BILANGAN 25:8

kehe ia paihut-ihut halaklahi dohot dadaboru i masuk tu bandar. Dung i dijujarkon ia ma hujur i tu halahi na dua rap hona halahi na dua. Dung songon i mantak ma bala na jorbut i di Israel.

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 13:18

asalkon ma dioloi hamu sude parentaNia na hulehen tu hamu di ari sadari on, jana dipatulus hamu sandok hagiotNia.”

JOSUA 10:27

Dung lusut mataniari, diparentahon si Josua ma, gabe dipaijur bangke i lalu disampakkon tu bagasan liang i, na nipake ni angka raja i hian inganan partabunian. Dung i dibaen ma batu na godang-godang di baba ni liang i. Lopus saonnari laing disi dope angka batu i.

JOSUA 7:24

Dung i ditangkup si Josua dohot sude rayat ni Israel i ma si Akan jana dioban ma ia tu Rura Akor dohot sude anaknia, lombu pahan-pahanannia, halode dohot angka biri-birina, bandarna maradu sude sinadongannia bope perak, baju juba dohot sere na nitangkonia i.

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.