JOSUA 7:25 - BIBEL JAMITA NA DENGGAN

²⁵ Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.

JOSUA 7:25 ပူးပေါင်းရင်းမြစ်များ

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

PAMUNGKAAN 38:24

Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”

1 JUJUR TAON 2:7

Si Akhan anak ni si Karmi pomparan ni si Zerah, patundania ma umbaen na gabe ro parmaraan tu halak Israel hara ni na nibuatnia barang na hona rampas di porang na gabe hapunjungan ni Debata aturanna.

PODA 1:19

Songon i ma parngoluon ni jolma na sai manghagioti labo na so tingkos, angkon bayaronna do i dohot hosana sandiri.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

HAMALIMON 20:14

Muda adong sada halaklahi mardadaboruhon sada dadaboru dohot inang ni dadaboru i angkon mate tutungon halahi na tolu. Angke mangkarejohon karejo na so patut do halahi. Pangalaho na songon i nada tola adong ditonga-tongamunu.

HAMALIMON 20:2

mandok hata on tu bangso Israel, “Sanga ise sian tonga-tongamunu, sanga halak na leban na tinggal rap dohot hamu, mangalehen anakna gabe pangoloi di Debata Molok, angkon dangguran ni halak na bahat do i dohot batu lopus mate.

HAMALIMON 21:9

Muda gabe siboru jalang do dadaboru ni sada malim, na palayas amangna do i, angkon mate tutungon do halakna i.

HAMALIMON 24:14

“Oban ma bayo i tu balian ni parbandaran. Ganop halak na dung umbege ibana mamurai, dipayakkon ia ma tanganna tu ulu ni bayo i manyaksihon na dung marsala bayo i. Dung i dangguran ni halak na bahat i ma ia dohot batu lopus mate.

GALATIA 5:12

Gumonan dope angka halak na manggaori pikiranmunu i, manigor diharuarkon.

PANGARATAION 13:10

Angkon nidangguran do parsala i dohot batu lopus mate! Na giot padaoonnia ma hamu antong sian Tuhan Debatamunu na paluahon bangso on sian parhatobanan na di Mesir.

PANGARATAION 13:11

Jadi gabe habegean ma taringot tu na masa i di sude bangso Israel; mabiar ma halahi gabe nada adong sahalak pe na puluk be mambaen na songon i jahatna.

PANGARATAION 17:5

angkon toguon do parjahat i tu balian ni kota jana nidangguran dohot batu lopus mate.

PANGARATAION 21:21

Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

JOSUA 7:15

Dung i halak na hutudu jana torang manyimpan angka barang na so tola i, angkon ditutung abis rap dohot sude dongan sabagasna maradu sude sinadonganna; angka i ma halakna na mangalaosi Poti Parjanjian ni Tuhan i jana na parohon habilean na godang tu halak Israel.”

1 SAMUEL 14:29

Dialusi si Jonatan ma, “Ma salputu do antong pambaen ni amangki maradopkon bangsonta! Ligi ma, margogo do au dung hupangan saotik aer ni loba i.