JOSUA 7:24 - BIBEL JAMITA NA DENGGAN

²⁴ Dung i ditangkup si Josua dohot sude rayat ni Israel i ma si Akan jana dioban ma ia tu Rura Akor dohot sude anaknia, lombu pahan-pahanannia, halode dohot angka biri-birina, bandarna maradu sude sinadongannia bope perak, baju juba dohot sere na nitangkonia i.

JOSUA 7:24 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

JOB 20:15

Arta na nitangko na nibondutna, tarpaksa ma diutahonsa; diparuar Debata ma sian bagasan butuhana.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

PARJAMITA 5:13

Huida do di tano on sada pangalaho siarsakkonon: Sada halak na palagut arta tu hamamasa ni hamagoan.

JESAYA 65:10

jana marsomba tu Au. Biri-biri dohot lombu ni halahi manjampali ma di Napa Saron dohot di Rura Akhor.

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

JOSUA 15:7

dung i torus ma i tu Rura Akor lalu tu Debir, lalu mangeldok tu Utara mangulahi adop Gilgal di inganan na tongtang dohot robean ni angka dolok na di Adumim na di Selatan ni rura i. Sian i torus muse tu mual ni aek En-Semes lopus tu En-Rogel,

JOSUA 22:20

Ingot ma! Si Akan anak ni si Zerah i pe na so ra mangihutkon parenta ni Tuhan salaho tu barang-barang sisoadahononkon. Jana aha do akibatna? Sude Israel hona uhum! Hum si Akan do na mardosa, hapengani anggo na mate nada hum ia sajo!”

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

JOSUA 6:21

Sude halak na adong di kota i, na tobang na poso, halaklahi dadaboru dibunu do sude dohot podang. Sude pahan-pahanan lombu, biri-biri dohot halode pe dibunu.

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:23

Dibuat halahi ma angka barang i jana dioban tu si Josua maradu tu sude halak Israel. Dung i dilehen ma angka barang i tu Tuhan.

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.