JOSUA 7:21 - BIBEL JAMITA NA DENGGAN

²¹ Sian tonga-tonga ni angka barang na tarampas i, adong huida sada baju juba Babilonia na jeges sajo; huida muse perak hira-hira borat dua kilogram dohot sere sabatang marborat lobi satonga kilogram. Por sajo rohangku anso di au nian angka barang i, jadi gabe hubuat ma i. Hutabunihon do sudena i di bagasan tano di bandarki; perakna i ma di bagian partoru.”

JOSUA 7:21 ပူးပေါင်းရင်းမြစ်များ

PAMUNGKAAN 10:10

Anggo di mulana lalu do tu Babel, Ereh dohot tu Akad kuasonia. Di Babilonia do na tolu i.

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

PAMUNGKAAN 34:27

Dung abis na mamunu jolma i, ro muse ma angka dakdanak ni si Jakob na asing i mangarampas kota i songon na palalu hosom hara ni iboto ni halahi na nisego-sego i habujingonna.

PAMUNGKAAN 6:2

diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

2 RAJA-RAJA 7:8

Jadi di na lalu na huliton si opat halak i di topi ni parbandaran i, masuk ma halahi tu sada bandar. Mangan minum ma halahi disi jana dipambuati halahi ma sere, perak, dohot angka pakean, lalu ditabunihon halahi. Dung i diulahi halahi muse ma, jana masuk ma halahi tu undung-undung na asing mandatdati songon i.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

MASMUR 119:37

Jagohon ma au ulang sai huparayak na so porlu, lehen ma di au ngolu mangihutkon hagiotMu.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

PODA 1:19

Songon i ma parngoluon ni jolma na sai manghagioti labo na so tingkos, angkon bayaronna do i dohot hosana sandiri.

PODA 23:31

Ulang padiar ho digoda anggur, haru pe manarik tompana i jana gerger di bagasan galas boti tabo panjururna laho masuk.

PODA 28:22

Halak na lobo sai giot tibu mamora, nada mamoto ia na giot ro ma tompu hapogoson tusia.

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JESAYA 29:15

Marjaya ma sanga ise halak na giot manabunihon tahina sian Tuhan! Marsibuni-sibuni ma halahi mambaen sibaenonna, jana ning roha ni halahi nada adong sahalak pe na marnida sanga na umboto sanga aha na nibaen ni halahi.

HABAKUK 2:9

Hona bura ma ho! Dipagukguk ho arta tu dongan sabagasmu marhite untung na dapotmu sian hakejamon, anso aman bagasmu sandiri jana dao sian hasusaan dohot parmaraan.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 12:2

Nada adong bagi aha na tutup na so ungkap muse, sanga na buni na so binoto muse.

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

EPESUS 5:5

Ingot hamu ma on tangkas: Sanga ise na rorang pangalahona, sanga na so ture, sanga na sai ahut tu diri (sarupa tu na marsomba gana-ganaan do pangalaho na songon i), nada tarbaen halak na songon i gabe anggota ni bangso ni Kristus dohot Debata.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

JOSUA 7:20

“Tutu do i,” ning si Akan, “Madung hubaen dosa maradopkon Tuhan, Debata ni Israel. Songon on ma na dung hubaen:

JOSUA 7:22

Diompoti si Josua ma marsuru halak tu bandar ni si Akan. Tutu ma antong ditabunihon di bandar ni si Akan sude angka barang-barang na so tola i, jana perakna i ma partoru situtu.

2 PETRUS 2:15

Gabe lilu do halahi hara ni na so ra halahi mangihutkon dalan na tingkos. Dalan na nibolus ni si Bileam anak ni si Beor nahinan, i do diihutkon halahi. Na sai por sajo do roha ni si Bileam mida upa ni pambaenan na jat.