JOSUA 6:25 - BIBEL JAMITA NA DENGGAN

²⁵ Tapi anggo si Rahab siboru jalang i dohot koum sisolkotna dipadiar si Josua do mangolu, hara ni na niondihonnia mata-mata sidua halak i na nisuru ni si Josua tu Jeriko. (Lopus tu sadari on laing tinggal do pomparan ni si Rahab di Israel.)

JOSUA 6:25 ပူးပေါင်းရင်းမြစ်များ

MATEUS 1:5

si Boas (inangna margoar si Rahab), si Obed (inangna margoar si Rut), si Isai dohot Raja Daud.

BAENON NI ANGKA RASUL 2:21

Anggo di hatiha i, dapotan haluaan ma sanga ise na mangido pangurupi ni Tuhan i.”

IBRANI 11:31

Laing hara ni haporsayaan, gabe nada dohot si Rahab dadaboru jalang i mate rap dohot angka na mangalo Debata; angke denggan do dibaen ia manjagit angka pamata-matai ni halak Israel.

JAKOBUS 2:25

Laing songon i do si Rahab boru jalang i. Nada he dapotan hatigoran do ia marhite pambaenanna di na nijagitnia angka pamata-matai jana diurupi ia halahi palua dirina sian dalan na asing?

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

JOSUA 2:18

Angkon baenonmu do songon on. Muda ro hami mamorangi luatmunu on, tambatkon ma tali na rara on di jandela inganan parmijurannami on. Palagut ma amanta-inanta, angka ibotomu dohot sude sisolkot ni amanta di bagas on.

JOSUA 2:4

Tapi madung ditabunihon dadaboru i halahi, jana ning si Rahab mangalusi, “Tutu nian adong do ro halak tu bagasku, tapi nanggo huboto sanga na sian dia halahi.

JOSUA 2:6

Hapengani na dung dioban si Rahab do mata-mata sidua halak i tu loteng ni bagasnia i jana ditabunihon ia halahi di toru ni bayon na gukguk disi.)

JOSUA 4:9

Di tonga-tonga ni Jordan i muse, disusun si Josua ma dua bolas batu diinganan hajongjongan ni angka malim na mamorsan Poti Parjanjian i. (Laing disi dope angka batu i lopus tu sadari on.)