21 Sude halak na adong di kota i, na tobang na poso, halaklahi dadaboru dibunu do sude dohot podang. Sude pahan-pahanan lombu, biri-biri dohot halode pe dibunu.
Jadi gabe didok panurirang i ma tu raja i, “On ma na nidok ni Tuhan, ‘Halak na Huparentahon anso bunuonmu, hape dipadiar ho malua. Jadi hara ni i angkon mate ho gontina; maropuk ma tentarami hara ni na padiarkon tentarana i marlojong palua dirina.’ ”
Hamu halak Dibon, mijur ma hamu sian inganmunu na sangap i, di tano i ma hamu juguk dohot di abuan i. Dibaen madung lalu na manyegohon tanomunu Moab, jana roncohononna noma bentengmu sudena.
Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.
Laing di hatiha i tarampas jana taroncohon ganop kota, jana tabunu pangisina i sudena, halaklahi, dadaboru dohot angka dakdanak. Nada adong na tapadiar mangolu.
Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.
Di ari i, diporangi si Josua ma Makeda lalu ditaluhon ia rap dohot rajana i. Dibunu ia sude halak na adong di kota i; umpe sada halak na dipadiar mangolu. Laing songon na nibaen ni si Josua tu raja ni Jeriko do dibaen ia tu raja ni Makeda.
Dibuat si Josua ma kota i dohot rajana maradu sude angka kota na asing na humaliang i. Hona bunu do sude jolma na disi. Songon na nibaen ni si Josua tu Hebron dohot Libna maradu rajana i, laing songon i do dibaen ia tu Debir dohot rajana i.
Dibunu sude jolma na maringanan di angka kota i, umpe sada halak dipadiar mangolu. Tapi anggo angka barang-barangna sigodang arga sudena dohot pahan-pahananna dibuat halak Israel do i gabe halahi puna.
Angkon songon na nibaenmu tu Jeriko dohot rajana i. Tapi anggo sanoli on tola do pambuatanmunu angka barang-barangna i dohot pahan-pahananna. Marhobas ma hamu mangaroro kota i tompu sian pudi.”
Ro muse ma angka halak Israel na di kota Ai i marporang. Songon i ma hona hobuk angka halak Ai i dibaen halak Israel lalu hona bunu sudena. Umpe sada na luncat, sude do mate hona bunu.
Dung salpu i, ro ma sada surusuruan na gogo, diangkat ia ma sada batu – sagodang ni batu panggilingan – diambungkon ia ma i tu laut jana didok ia ma, “Songon on ma gogona baenon mangambungkon kota Babel na tarbonggal i lopus nada dapot be mangulahi.
Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”