JOSUA 6:19 - BIBEL JAMITA NA DENGGAN

¹⁹ Sude barang-barang na sian perak, sere, tumbaga dohot bosi angkon paasingon do i di Tuhan. Angkon nioban sudena i tu bagasan inganan panyimpanan ni arta ni Tuhan.”

JOSUA 6:19 ပူးပေါင်းရင်းမြစ်များ

2 SAMUEL 8:11

Dihaulkon Raja Daud ma angka silua i dohot deba sian barang na dirampas sian si Hadadeser i baen sipargunahonon di bagasan ibadat. Laing songon i ma dibaen ia angka barang perak dohot sere na nirampasnia sian angka bangso na nitaluhonnia.

1 RAJA-RAJA 14:26

Dirampas ia ma sude barang sigodang arga na adong di Bagas Ni Debata dohot na di bagas godang ni raja i, songon i dohot angka parince sere na nibaen ni si Salomo.

1 RAJA-RAJA 7:51

Dung sidung dipauli Raja Salomo Bagas Ni Debata disimpan ia ma di bagasan gudang na di bagas i sude perak, sere, dohot angka barang-barang na asing dope na dung dipasahat si Daud amangnia i tu Tuhan.

2 RAJA-RAJA 24:13

Disego-sego si Nebukadnesar ma sude parkokas na nibaen ni Raja Salomo sipakeon di Bagas Ni Debata jana dioban ia ma tu Babel sude barang sigodang arga na adong di Bagas i dohot di bagas godang. Songon i ma na masa i, hombar tu na nidok ni Tuhan hian.

1 JUJUR TAON 18:11

Sudena silua i dihaulkon Raja Daud do tu Tuhan anso adong pakeon di na maribadat. Laing songon i do dibaen ia dohot tu barang-barang sere dohot perak na nirampasnia sian angka bangso na nitaluhonnia i, i ma bangso Edom, Moab, Amon, Pilistin dohot Amalek.

1 JUJUR TAON 26:20

Angka Marga Levi na deba nari, dipasahat ma tanggung jawabna salaho tu parhepengon di Bagas Ni Debata dohot salaho tu gudang inganan panyimpanan ni angka silehen-lehen di Debata.

1 JUJUR TAON 26:26

Si Selomit dohot halahi sahorong ma na martanggung jawab salaho tu sude silehen-lehen na nihaulkon ni Raja Daud, kapala ni ganop ripe, angka pamimpin ni marhorong-horong dohot na sian perwira. Angka silehen-lehen i, i ma deba sian angka barang na hona rampas ni halahi di angka parporangan jana na nihaulkon ni halahi baen sipakeon lumobi di Bagas Ni Debata.

1 JUJUR TAON 26:28

Pendekna, anggo si Selomit dohot halahi na sahorong martanggung jawab ma di sude na dung dipasahat baen sipakeon lumobi di Bagas Ni Debata, masuk ma disi angka haul na dipasahat sian si Samuel na nilehen ni Raja Saul, si Abner anak ni si Ner dohot na nilehen ni si Joab anak ni si Zeruya, tanggung jawab ni si Selomit ma sudena i dohot kahanggina.

1 JUJUR TAON 28:12

Laing dipasahat si Daud ma sude sangkap na dung dipikirkon ia salaho tu bagian ni alamanna dohot angka kamar humaliangna, dohot salaho tu angka gudang panyimpanan ni na hasaya di Bagas Ni Debata dohot panyimpanan ni angka silehen-lehen di Tuhan.

2 JUJUR TAON 15:18

Dipayakkon si Asa ma di Bagas Ni Debata sude sere dohot perak maradu angka barang-barang na asing na dapot hona rampas di porang nampuna ni amangnia dohot nampunania sandiri.

2 JUJUR TAON 31:12

lalu disimpan halahi ma sude silehen-lehen dohot parsampuluan i di bagasan ni angka gudang i. Ditugaskon ma sada halak Levi na margoar si Konanya gabe pangawas, jana dibaen ma si Simei angginia gabe pambantunia.

NEHEMIA 10:38

Tapi angkon donganan ni malim na sian pomparan ni si Harun do angka halak Levi i muda palagutkon angka haul i halahi. Jana angkon obanon ni angka halak Levi i do saparsampulu ni sude haul i tu angka kamar talobat na di Bagas Ni Tuhan.

JEREMIA 38:11

Jadi kehe ma si Ebedmelek dohot sitolu halak nari i tu gudang ni bagas godang, jana dipambuati halahi ma sian i angka abit na buruk-buruk, dipaijur halahi ma i dohot tali tu au di bagasan sumur i.

HAMALIMON 19:24

Di taon paopatkon sude batuna angkon lehenon gabe haul laho patidahon hatarimakasion tu Au, Tuhanmu.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

BILANGAN 31:11

Dung dibuat halak Israel sude na nirampas i dohot ma i halak na nitaban dohot pahan-pahanan,

BILANGAN 31:12

dioban halahi ma i tu si Musa dohot tu si Eleasar dohot tu sude halak Israel. Di hatiha i dompak marbandar do halahi di tano na hornop ni Moab donok tu Batang aek Jordan paadop-adop dohot kota Jeriko.

BILANGAN 31:22

Sude na tahan tu api, songon sere, perak, tumbaga, bosi, simbora na bontar dohot simbora na lomlom, angkon nipaias marhite na manutung tu api. Sude barang na asing i na so tahan tu api, angkon dipaias dohot aek.

MATEUS 27:6

Dipamuai angka Sintua Ni Malim i ma hepeng i, didok halahi, “Hepeng ni mudar do on. Anggo mangihutkon aturan ni ugamo, nada tola pamasuhon hepeng on tu poti ni haul na di Bagas Ni Debata.”

MARKUS 12:41

Dung i juguk ma Jesus satongtang ni poti ni hepeng na di Bagas Ni Debata. Diparrohahon Ia ma angka halak na pamasukkon hepengna tu poti i. Bahat do halak na maradong pamasukkon hepengna bahat-bahat.

JOSUA 7:11

Na mardosa do halak Israel. Madung Huparentahon tu halahi laho mangoloi parjanjian antara ni halahi dohot Au hape dilaosi halahi do i! Angka barang-barang sironcohononkon pe laing adong do dibuat halahi. Ditangko jana dibunihon halahi do i di antara ni barang-barang ni halahi, jana dipaula so diboto halahi ma i!