JOSUA 6:18 - BIBEL JAMITA NA DENGGAN

¹⁸ Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

JOSUA 6:18 ပူးပေါင်းရင်းမြစ်များ

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

PARJAMITA 9:18

Margunaan do bisuk sian sinjata, tapi hara ni asom na saotik sego ma susu sabalanga.

JUNUS 1:12

Didok si Junus ma mangalusi, “Ambungkon ma au tu bagasan laut i, pasti so ombak i. Angke madung huboto do saonnari, hara ni au do boncir ni ombak na jorbut on manondong hamu.”

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 23:10

Muda gabe hodar sada halaklahi hara ni na marnipi na pahodar saraor taran borngin-borngin, angkon haruar do ia sian bandar i jana tinggal ia di ruar.

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:13

Saonnari jongjong ma ho Josua! Paias ma halak Israel jana suru ma halahi hobas laho mangadop tu Au. Parentahon ma halahi anso markobas-hobas ancogot, harana Au Tuhan Debata ni Israel, giot mandok tu halahi songon on: ‘O hamu angka halak Israel! Angka barang-barang na dung Huparentahon tu hamu angkon dironcohon, adong deba di hamu. Painte so diambungkon hamu angka barang-barang i, nada tarbaen hamu martahan mangalo musu i!’

JOSUA 7:15

Dung i halak na hutudu jana torang manyimpan angka barang na so tola i, angkon ditutung abis rap dohot sude dongan sabagasna maradu sude sinadonganna; angka i ma halakna na mangalaosi Poti Parjanjian ni Tuhan i jana na parohon habilean na godang tu halak Israel.”

JOSUA 7:25

Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.

1 JOHANNES 5:21

Hamu angka dakdanakku, padao hamu ma dirimunu sian angka gana-ganaan!

1 SAMUEL 15:9

Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.