JOSUA 6:17 - BIBEL JAMITA NA DENGGAN

¹⁷ Sude kota i dohot sandok isina angkon dironcohon sude gabe songon haul tu Tuhan. Hum si Rahab, siboru jalang i dohot koum sisolkotna sajo do na tola padiaron mangolu, dibaen madung diondihon ia mata-mata na tasuru i.

JOSUA 6:17 ပူးပေါင်းရင်းမြစ်များ

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

ESRA 10:8

Sanga ise na so ro di bagasan tolu ari, disita ma sude sinadonganna jana diharuarkon ma halakna i sian masarakat. Diteken angka pamimpin ni rayat i do boa-boa i.

JESAYA 34:6

Marlapu-lapu mudar dohot tabo-tabo do podang ni Tuhan, i ma mudar dohot tabo-tabo ni pahan-pahanan na nihaulkon. Pasingkopon ni Tuhan ma haul di Bosra, jana pamasaonNia ma pambantean marabis-abis di tano Edom.

JEREMIA 46:10

On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

JEHESKIEL 39:17

Didok Tuhan Debata i ma tu au, “Ale jolma parsantongkinan, piohon ma sude unggas dohot angka binatang na asing i anso marroan sanga sian dia laho mangankon haul na Hupasingkop di halahi. Giot baenonKu horja godang di ginjang ni angka dolok ni Israel, disi ma panganon ni halahi juhut jana inumon ni halahi mudar.

HAMALIMON 27:21

Di Taon Haluaan na giot ro gabe ladang ni Tuhan noma i ro di salolotna, jana lehenon ma i tu malim.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

1 KORINTUS 2:7

Hamaloan ni Debata do anggo na hupajojor i. Nada diboto portibi on hamaloan i, tapi madung dipasingkop Debata hian i baen hasonanganta dompak so dijadihon Debata dope portibi on.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

GALATIA 3:12

Tapi anggo angka Tona na nidok nangkin, nada marlahanan tu haporsayaan i. Tapi, “Barang ise na mangkarejohonna, mangolu do ia dibaen i.”

PANGARATAION 20:17

Angkon abiskononmunu do sude bangso i: Halak Het, Amori, Kanaan, Peris, Hewi dohot Jebus, songon na dung diparentahon Tuhan i tu hamu.

IBRANI 11:31

Laing hara ni haporsayaan, gabe nada dohot si Rahab dadaboru jalang i mate rap dohot angka na mangalo Debata; angke denggan do dibaen ia manjagit angka pamata-matai ni halak Israel.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

JAKOBUS 2:25

Laing songon i do si Rahab boru jalang i. Nada he dapotan hatigoran do ia marhite pambaenanna di na nijagitnia angka pamata-matai jana diurupi ia halahi palua dirina sian dalan na asing?

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

JOSUA 2:22

Jadi kehe ma mata-mata sidua halak i tu dolok lalu martabuni disi. Ma sun tu dia anggo angka suruan ni raja i manjalahi halahi di sude luat i di na tolu ari i, hape nada dapotsa halahi. Ujungna mulak ma angka suruan i tu Jeriko.

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”

1 SAMUEL 15:6

Ditongos ia muse ma tona paingotkon halak Keni, “Morot ma hamu jana tinggalkon hamu ma halak Amalek, anso ulang dohot hamu hona pusa baenonku rap dohot halahi, angke dipatuduhon ompumunu do najolo pardonganon tu halak Israel dompak na ro i sian Mesir.” Jadi morot ma halak Keni sian i.