JOSUA 5:13 - BIBEL JAMITA NA DENGGAN

¹³ Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”

JOSUA 5:13 ပူးပေါင်းရင်းမြစ်များ

PAMUNGKAAN 18:1

Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

PAMUNGKAAN 28:16

Jadi tarsunggul ma si Jakob jana didok ia ma, “Dison, di inganan on do Tuhan, tapi on dope anso huboto!”

PAMUNGKAAN 33:1

Diida si Jakob ma di na dao na ro si Esau rap dohot opat ratus halak. Jadi dibagi ia ma angka dakdanaknia di si Lea, si Rahel dohot di radingnia na dua.

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

1 JUJUR TAON 12:22

Ganop ari do dohonon sai adong halak na imbaru na taripar mandongani si Daud, jadi nada sadia honok gabe bahat sajo ma tentara ni si Daud.

1 JUJUR TAON 21:27

Dung i disuru Tuhan ma anso dipasarung surusuruan i podangna i laho mangantak bala i.

1 JUJUR TAON 21:30

Tapi nada puluk si Daud anggo tusi laho manghatai dohot Debata, hara ni biarnia mida podang ni Surusuruan Ni Tuhan i.

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

DANIEL 10:5

Hupadorgak ma bohingku jana huida ma sada halak na marpakean abit linen jana na marbobat sere na polin.

DANIEL 8:3

jana tarida ma di topi ni batang aek i sada biri-biri jantan na martanduk dua na ginjang, guminjang na sada jana tanduk na parpudi tubu i do na guminjang.

ZAKARIA 1:8

Di sada parnidaan taran borngin-borngin, huida ma sada halak manaek sada kudo na rara. Maradian ma ia di sada holbung di tonga-tonga ni hayu dulang-dulang. Jongjong ma di pudina i angka kudo na asing, adong na rara, na mera jambu dohot na bontar.

BILANGAN 22:23

Dung diida halode i surusuruan i jongjong manyintak podang, manyirpang ma halode i sian dalan, manyimbil tu ladang i, jana disambok si Bileam ma halode i anso mulak tu dalanna.

BILANGAN 22:31

Dung i dipatidahon Tuhan ma tu si Bileam Surusuruan na manyintak podang jongjong disi. Gabe tungkap ma si Bileam tu tano manyomba.

BAENON NI ANGKA RASUL 1:10

Dompak na manatap tu ginjang i halahi mangaligi parkehe ni Jesus, tompu ma jongjong dua halak na marbaju na bontar di lambung ni halahi.

JOSUA 6:2

Didok Tuhan ma tu si Josua, “Saonnari Hupasahat ma tu ho Jeriko dohot rajana i dohot sude tentarana angka na gogo i.

HALUMBAAN 1:13

Di holang-kolang ni angka parlampuan i jongjong ma sada songon Anak Ni Jolma do idaon rupana. Mamake baju juba na ginjang do Ia lalu tu patNa i. Adong di andoraNa i sere dialitkon Ia.

HAKIM-HAKIM 13:11

Manigor diihutkon si Manoah ma dadaborunia i. Dipadonok ia ma tu halakna i jana disapai ia ma, “Tuan i dehe na maroban barita na tu dongan saripengki?” “Tutu ma da i,” ninna mangalusi.

HAKIM-HAKIM 13:22

Jadi didok si Manoah ma tu ripenia i, “Pasti na giot mate noma hita on, angke madung taida Debata.”