JOSUA 4:24 - BIBEL JAMITA NA DENGGAN

²⁴ Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

JOSUA 4:24 ပူးပေါင်းရင်းမြစ်များ

1 RAJA-RAJA 8:40

Anso sude bangsoMu mabiar jana burju mangoloi Ho, salolot maringanan halahi di luat na dung nilehenMu tu ompungnami.”

1 RAJA-RAJA 8:60

Marhite na songon i gabe sude ma bangso na di tano on umboto, hum Tuhan i sajo do Debata – nada adong na asing.

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

2 RAJA-RAJA 5:15

Kehe ma ia rap dohot dongannia sauduran i mangulahi mandapotkon si Elisa jana didok ia ma, “Saonnari huboto ma, hum sada do Debata di na satano on sude, i ma Debata na nisomba ni halak Israel; hara ni i, sai jop ma roha ni tuan i manjagit silehen-lehenkon.”

1 JUJUR TAON 29:12

Sian Ho do haroroan ni sasude hamoraan dohot hasonangan; dirajai Ho do sasudena mardongan hagogoonMu dohot kuasoMu; guru di Ho do mambaen sanga ise gabe halak na godang dohot na gogo.

JOB 40:9

Gogo ma he ho songon Au? Tarbaen ma he mangaronggur soramu songon sorangKu?

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

MASMUR 89:13

Na lobi godang do antong kuasoMu, jana na sumurung do hagogoonMu!

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

HARURUAR 14:31

Dung diida halak Israel ditaluhon Tuhan halak Mesir i markite-hite kuaso na godang, tarhalomong ma halahi tu Tuhan. Porsaya ma halahi tuSia dohot tu si Musa naposoNa i.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

PANGARATAION 28:10

Jadi gabe idaon ni bangso na satano on ma na dung dipili Tuhan ho gabe bangsoNia, jana mabiar ma halahi mida ho.

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba