JOSUA 3:17 - BIBEL JAMITA NA DENGGAN

¹⁷ Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.

JOSUA 3:17 ပူးပေါင်းရင်းမြစ်များ

2 RAJA-RAJA 2:8

Ditalduskon si Elia ma jubania i, dibalun ia jana dilipatkon ia ma tu batang aek i. Jadi marbagi dua ma aek i, lopus tardalani ia dohot si Elisa tandolan na mahiang i.

MASMUR 66:6

Dipauba Ia laut i gabe tano na hiang, ditaripari ompunami do i mardalan pat. Dibaen i marjop ni roha hami hara ni sude pambaenanNa i.

HARURUAR 14:21

Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

HARURUAR 14:22

Mabola ma aek i, taripar ma halak Israel di laut i, mardalan di tano na mahiang na marpanembok aek di siamun siambirang.

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

BILANGAN 33:51

i ma angka parenta tu bangso Israel, “Muda ditaripari hamu Batang aek Jordan laho masuk tu tano Kanaan,

IBRANI 11:29

Hara ni haporsayaan, gabe tartaripari halak Israel do Laut Rara songon na mamolus di tano na mahiang, hape anggo halak Mesir dibondut laut i do di na nicubo ni halahi manyiborang muse.

JOSUA 4:1

Dung di bariba sude bangso i, didok Tuhan ma tu si Josua,

JOSUA 4:10

Anggo angka malim i laing jongjong do di tonga-tonga ni Jordan lopus sidung angka halahi patuluskon sude na niparentahon ni Tuhan tu halahi marhite si Josua. Laing hombar do sudena i tu na nidok ni si Musa tu si Josua. Horas do halak Israel manaripari batang aek i.

JOSUA 4:11

Dung lalu halahi sude tu bariba, mardalan ma muse angka malim na maroban Poti Parjanjian ni Tuhan i di jolo ni bangso i.

JOSUA 4:22

tama do caritohononmunu tu halahi na masa taringot tu halak Israel na manaripari Batang aek Jordan on di ginjang ni tano na mahiang.

JOSUA 4:3

Parentahon ma tu halahi mambuat dua bolas batu sian tonga-tonga ni Batang aek Jordan on, tumbuk di hajongjongan ni angka malim i. Suru ma dioban halahi batu i lopus tu inganan parbandaranmunu annon borngin.”

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.