JOSUA 3:14 - BIBEL JAMITA NA DENGGAN

^14-15 Hatiha manyabi do hatiha i, jana somal do magodang Batang aek Jordan i. Di na kehe halak Israel i manadingkon parbandaran ni halahi laho manaripari Batang aek Jordan i, parjolo ma angka malim mardalan lalu maroban Poti Parjanjian i. Jana disi didegehon halahi pat ni halahi tu batang aek i,

JOSUA 3:14 ပူးပေါင်းရင်းမြစ်များ

MASMUR 132:8

Ro ma Ho ale Tuhan jana maringanan ma di BagasMu, rap dohot Poti Parjanjian tanda ni kuasoMu.

JEREMIA 3:16

Jadi muda dung mabahat hamu di luat on, nada taringotan ni halak be mangulahi salaho tu Poti Parjanjian. Nada pikiran sanga ingot-ingoton ni halahi be i, nada be tehe porlu i di halahi sanga pe mambaen Poti Parjanjian na asing.

PANGARATAION 31:26

“Buat hamu ma Buku Tona Ni Debata on, jana payakkon ma di lambung ni Poti Parjanjian ni Tuhan Debatamunu i, anso laing hot ma i disi gabe hasaksian maradopkon bangsoNa i.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 6:6

Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”