JOSUA 24:31 - BIBEL JAMITA NA DENGGAN

³¹ Salolot mangolu si Josua, mangoloi do halak Israel tu Tuhan. Jana dung marujung pe ngolunia laing totop do halahi mangoloi tu Tuhan salolot adong dope di tonga-tonga ni halahi angka pamimpin na sanga manyaksihon sandiri sasude na nibaen ni Tuhan di halak Israel.

JOSUA 24:31 ပူးပေါင်းရင်းမြစ်များ

PAMUNGKAAN 14:10

Na gohan do di rura i sumur aspal, jana di na marlojongi angka raja ni Sodom dohot Gomora paluahon dirina sian parporangan i, dojup ma halahi madabu tu bagasan ni angka sumur i. Anggo raja na tolu halak nari malua do halahi jana maporus tu dolok.

2 JUJUR TAON 24:2

Salolot di ngolu ni Malim Joyada dipatupa si Joas do angka karejo na pasonangkon roha ni Tuhan.

2 JUJUR TAON 34:33

Dironcohon Raja Josia ma sudena angka gana-ganaan sihagigian na adong di angka inganan na masuk tu luat ni halak Israel. Disuru ia ma rayatnia i maribadat tu Tuhan, Debata ni ompu ni halahi. Jadi salolot di ngolu ni si Josia, sai tongtong do setia rayat i tu Tuhan.

BAENON NI ANGKA RASUL 20:29

Angke disi kehe au, marroan ma angka sorigala panyoro tu tonga-tongamunu. Jana halak na nijagoanmunu i, i ma na giot soroon ni angka sorigala i.

PANGARATAION 11:2

Saonnari ingot hamu ma sanga aha na binotomunu taringot tu Tuhan sian pangalamanmunu. Anggo angka dakdanakmunu nada dialami halahi dope i. Hamu do na dung marnida hagodangan ni Tuhan, hagogoonNia, kuasoNia,

PANGARATAION 11:7

Olo tutu, hamu ma na dung marnida dohot matamunu sandiri sude hahomangan i na dung dibaen Tuhan.”

PANGARATAION 31:13

Jadi songon on ma dalanna di angka pomparanmunu na so jungada dope umbege Uhum Ni Tuhan Debatamunu i laho manangihonsa. Jana di na songon i, marsiajar ma halahi mangoloi Tuhan salolot mangolu halahi di tano na so sadia lolot nari be giot buatonmunu di bariba ni Batang aek Jordan.”

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

HAKIM-HAKIM 2:10

Dung i marujung muse ma ngolu ni na sangoncap i. Jana sundut na mangihut nada be mananda Tuhan, angke nada dialami halahi be sanga aha na nibaen ni Tuhan di bangso Israel.

HAKIM-HAKIM 2:6

Dung dipabuat si Josua angka halak Israel i, halahi pe kehe ma laho mangingani tano na gabe bagian ni halahi be.

HAKIM-HAKIM 2:7

Salolot mangolu si Josua, mangoloi Tuhan do halak Israel. Dung marujung pe ngolu ni si Josua laing tongtong do halahi mangoloi tu Tuhan salolot halahi dipimpin angka halak na dung marnida sandiri sude hahomangan na nibaen ni Tuhan di halak Israel.