JOSUA 24:29 - BIBEL JAMITA NA DENGGAN

²⁹ Dung salpu i, marujung ma ngolu ni naposo ni Tuhan, i ma si Josua anak ni si Nun, di na marumur ia saratus sampulu taon.

JOSUA 24:29 ပူးပေါင်းရင်းမြစ်များ

PAMUNGKAAN 50:22

Laing di Mesir noma si Josep maringanan rap dohot angka kahangginia i; marumur do ia saratus sampulu taon di na marujung ngolunia.

PAMUNGKAAN 50:26

Dung i marujung mangolu ni si Josep di na marumur ia saratus sampulu taon. Dibaen halahi ma angka pulung-pulungan ni parmasak tu bangkenia i jana dibaen halahi ma di bagasan poti ni na mate.

MASMUR 115:17

Anggo Tuhan, nada pujion ni halak na mate, halak na dung manuat tu inganan na lungun i.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

JOSUA 24:28

Ujungna disuru si Josua ma marmulahan angka jolma i, jadi mulak be ma halahi sudena tu tano ni halahi be.

JOSUA 24:30

Di tano bagiannia sandiri do ia dikubur di Timnat Serah na di partoran Efraim di Utara ni Dolok Gaas.

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

HAKIM-HAKIM 2:8

Di na marumur saratus sampulu taon marujung ma ngolu ni si Josua anak ni si Nun – naposo ni Tuhan i.

HAKIM-HAKIM 2:9

Di tanonia sandiri do ia dikuburkon, i ma di Timnat-Heres na di partoran Efraim di Utara ni Dolok Gaas.