JOSUA 24:27 - BIBEL JAMITA NA DENGGAN

²⁷ Dung salpu i mandok hata ma si Josua tu sude angka halahi, “Batu on ma gabe saksinta. Sude hata na nipajojor ni Tuhan tu hita, madung dipajojor di jolo ni batu on. Antong, batu on ma na gabe saksi maradopkon hamu, muda dialo hamu sanoli on Debatamunu.”

JOSUA 24:27 ပူးပေါင်းရင်းမြစ်များ

JOB 31:23

Nada na ra iba mambaen songon i, angke uhuman ni Debata mambaen heput roha disi.

JOB 31:28

Dosa na songon i patut do simatehonon; angke Debata Na Markuaso i madung disoadahon.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

HABAKUK 2:11

Salangkan batu na di tembok i pe marsurahi do mamurai ho, dohot angka tiang ni bagas i pe dipatubegehon do surak-surak i.

BILANGAN 11:20

Tapi sabulan honokna mangan juhut hamu, lopus gabe marnyae jana muta-uta hamu patundana. Masa pe songon i hara ni na ditulak hamu do Tuhan na adong ditonga-tongamunu. Dohot hara ni ungut-ungutmunu tuSia, bahaso na dumenggan hian ulang ditinggalkon hamu Mesir.’ ”

MATEUS 10:33

Tapi sanga ise na mamorso Au di jolo ni halak, i ma na so paboahon na mangihutkon Au do ia, Au pe porsoonKu ma ia di jolo ni Damang na di banua ginjang i.”

LUKAS 19:40

Tapi dialusi Jesus ma tu halahi, “Hudok ma di hamu, muda sip halahi, marsurahi ma angka batu on.”

PANGARATAION 30:19

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan.

PANGARATAION 31:19

Saonnari, suratkon ma ende on. Ajarkon ma i tu bangso Israel anso gabe hasaksian maradopkon halahi.

PANGARATAION 31:21

jana bahat ma parmaraan na jorbut ampe tu halahi. Tapi anggo ende on tongtong ma diendehon jana dipake gabe hasaksian maradopkon halahi, harana laing tong-tong do i endehonon ni pomparan ni halahi. Salang saonnari pe, painte so Huoban halahi tu tano na Hujanjihon i, Huboto do pardangolan ni pikiran ni halahi.”

PANGARATAION 31:26

“Buat hamu ma Buku Tona Ni Debata on, jana payakkon ma di lambung ni Poti Parjanjian ni Tuhan Debatamunu i, anso laing hot ma i disi gabe hasaksian maradopkon bangsoNa i.

PANGARATAION 32:1

“Tangihon, o langit, giot mangkuling au, o tano, patinggil ma pinggolmu!

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

JOSUA 22:34

Ujungna didok Marga Ruben dohot Gad i ma, “Langgatan on ma na gabe saksi di hita sudena bahaso Tuhan do Debata.” Jadi gabe digoari halahi ma langgatan i “Saksi”.

JOSUA 24:28

Ujungna disuru si Josua ma marmulahan angka jolma i, jadi mulak be ma halahi sudena tu tano ni halahi be.

HALUMBAAN 3:8

Huboto do sanga aha na nibaenmunu. Haru so sadia pe gogomunu, tapi laing dioloi hamu do pangajaranKu jana unduk do hamu tu Au. Madung Hubuka sada pintu na godang di hamu na so tartutup sanga ise pe.

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.