JOSUA 24:25 - BIBEL JAMITA NA DENGGAN

²⁵ Jadi di ari i di Sikem, dibaen si Josua ma pamudun ni janji dohot halak Israel; jana disi ma dilehen ia tu halahi angka uhum dohot angka aturan na angkon sioloan ni halahi.

JOSUA 24:25 ပူးပေါင်းရင်းမြစ်များ

PAMUNGKAAN 35:4

Jadi dipasahat halahi ma sude dewa na asing na nitiop ni halahi dohot angka anting-anting na di pinggol ni halahi. Di tanom si Jakob ma angka barang-barang i di toru ni hayu na godang na di lambung ni kota Sikem i.

2 RAJA-RAJA 11:17

Disuru Malim Joyada ma Raja Joas dohot rayat mambaen parjanjian dohot Tuhan paboa na gabe halak ni Tuhan halahi; disuru ia muse ma raja i mambaen parjanjian dohot rayat.

2 JUJUR TAON 15:12

Marjanji do halahi tu Tuhan bahaso na giot oloan ni halahi ma Tuhan, Debata ni ompu ni halahi, sian sasude roha dohot tondi ni halahi.

2 JUJUR TAON 15:15

Marjop ni roha do sandok rayat Juda, angke madung marsumpa halahi sian nasa roha. Sonang ma roha ni halahi mulak tu Tuhan, jana Tuhan pe lomo ma rohana manjagit halahi. Dilehen ia ma tu halahi hasonangan di luat ni halahi.

2 JUJUR TAON 23:16

Dialap tahi Malim Joyada ma Raja Joas dohot rayat i mambaen parjanjian paboa na gabe bangso ni Tuhan noma halahi.

2 JUJUR TAON 29:10

Saonnari au giot mambaen parjanjian dohot Tuhan, Debata ni Israel, anso ulang muruk be Ia tu hita.

NEHEMIA 9:38

Marharoroan sian sasude na masa i, mambaen parjanjian ma hami rayat Israel, parjanjian na togu jana tarsurat, dicap angka pamimpinnami, angka halak Levi dohot angka malimnami.

HARURUAR 15:25

Dung i martangiang ma si Musa marsitutu tu Tuhan, dung i gabe dipatidahon Tuhan ma tu si Musa samponggol hayu. Diambungkon si Musa ma hayu i tu aek i, gabe tarinum ma aek i. Di inganan i ma dilehen Tuhan angka paraturan tu halahi, jana disi ma diuji Ia halahi.

HARURUAR 24:3

Jadi kehe ma si Musa jana dipabotohon ia ma tu bangso i sude parenta dohot aturan na nilehen ni Tuhan i. Rap mangalusi ma rayat i sanoli mandok, “Patulusonnami ma sude na nidok ni Tuhan i.”

PANGARATAION 29:1

On ma hata ni parjanjian na niparentahon ni Tuhan baenon ni si Musa dohot bangso Israel taran di tano Moab halahi. Songon tamba ni parjanjian na nibaen ni Tuhan dohot halahi na di Dolok Sinai do parjanjian on.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

JOSUA 24:26

Disuratkon si Josua ma sude uhum dohot angka aturan i di bagasan Buku Uhum ni Debata. Dung i dibuat si Josua ma sada batu na godang, lalu dipajongjong ia ma i di toru ni sada hayu na godang di inganan hapunjungan ni Tuhan.