Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JOSUA 24:18 - BIBEL JAMITA NA DENGGAN

18 Jana di hatiha na masuk hita tu luat on, diusir Tuhan do morot sude halak Amori na maringanan dison. Jadi, giot mangoloi tu Tuhan do hami, angke Ia do antong Debatanta.”

အခန်းကိုကြည့်ပါ။ ကော်ပီ




JOSUA 24:18
13 ပူးပေါင်းရင်းမြစ်များ  

NaposoMu do au on, ale Tuhan, laing songon dainang i, au pe, huoloi do Ho; madung dipalua Ho au sian hamatean.


anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”


Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.


Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.


dokkonon ni halahi sudena ma, “Manangkok ma hita tu dolok ni Tuhan tu Bagas Ni Debata na nisomba ni Israel bangsoNa! AjarkononNia ma tu hita sanga aha na patut baenonta. Ihutkononta ma dalan na nipiliNia. Angke sian Sion do haroro ni pangajaran, jana hata ni Tuhan sian Jerusalem.”


Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.


Dung i sai dipaoban-oban angka ompunta i ma undung-undung i di na kehe halahi dohot si Josua mangarampas luatta on sian tangan ni angka bangso na niayak ni Debata di jolo ni halahi. Laing disi ma undung-undung i lopus tu hatiha ni si Daud.


Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.


Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.


Anggo angka bangso na godang boti na gogo madung dipaorot Tuhan sian hamu; sada halak pe nada adong na tahan mangalo hamu.


Tuhan Debatanta do antong na paluahon ompunta dohot hita sian parhatobanan di Mesir. Madung taida angka hahomangan na nibaen ni Tuhan. Sai diondihon Tuhan do hita di bagasan sude pardalananta manyalpui angka luat na asing.


Dung i didok si Josua ma, “Tapi Debata Na Badia do Tuhan; nada ra Ia adong imbangNia. Jadi betak nada sanggup hamu tu pudi on mangoloi Tuhan. Angke muda ditadingkon hamu sanoli on Tuhan, jana kehe hamu mangoloi tu angka debata na asing, nada ampunanNia dosamunu. Balikna do, aloonNia ma hamu jana uhumanNa. PangabisonNa ma hamu, haru pe najolo burju Ia tu hamu.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ