JOSUA 24:17 - BIBEL JAMITA NA DENGGAN

¹⁷ Tuhan Debatanta do antong na paluahon ompunta dohot hita sian parhatobanan di Mesir. Madung taida angka hahomangan na nibaen ni Tuhan. Sai diondihon Tuhan do hita di bagasan sude pardalananta manyalpui angka luat na asing.

JOSUA 24:17 ပူးပေါင်းရင်းမြစ်များ

2 JUJUR TAON 13:10

Totop do hami mangoloi tu Tuhan Debatanami jana nada hami tadingkon Ia. Hot do pomparan ni si Harun angka malim di hami, jana tongtong do angka halak Levi mangurupi halahi.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 19:4

“Madung diida hamu sanga aha Na Hubaen, Au Tuhan mambaensa maradopkon halak Mesir, jana sanga songon dia Hubaen maroban hamu tu Au di inganan on mardongan kuaso na godang songon unggas rajawali na maroban anakna di ginjang ni habongna.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

PANGARATAION 29:2

Disuru si Musa ma marlagut sude halak Israel, jana didok ia ma tu halahi, “Madung diida hamu sandiri sanga aha na nibaen ni Tuhan maradopkon raja ni Mesir, angka menterina dohot tu sude luatna i.

PANGARATAION 32:9

Hape anggo pompar ni si Jakob on dipili Tuhan diSia sandiri antong.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

JOSUA 24:16

Gabe dialusi halak Israel i ma, “Nada tadingkononnami Tuhan laho mangoloi tu angka debata na asing!

JOSUA 24:18

Jana di hatiha na masuk hita tu luat on, diusir Tuhan do morot sude halak Amori na maringanan dison. Jadi, giot mangoloi tu Tuhan do hami, angke Ia do antong Debatanta.”