JOSUA 24:15 - BIBEL JAMITA NA DENGGAN

¹⁵ Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

JOSUA 24:15 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

1 JUJUR TAON 1:14

Si Kanaan ma na umpompar bangso Jebusi, Amori, Girgasi,

MASMUR 101:2

Giot mangolu au nian so targora andigan pe Ho ro tu iba? Giot badia do ngolungku di bagasku,

MASMUR 119:106

Na hujanjihon mardongan sumpa gohanku ma i, haputusanMu na tigor i patulusonku do i.

HARURUAR 23:2

Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HARURUAR 34:15

Ulang jabat mambaen janji hamu dohot halak luat i; angke muda marsomba halahi tu angka debatana i jana pasahat haul, piohonon ni halahi ma hamu anso rap dohot halahi mangankon na nihaulkon ni halahi.

JEHESKIEL 20:39

Didok Tuhan Debata i ma, “Ale hamu halak Israel, saonnari saguru di hamu ma. Toruskon hamu ma mambaen dosa, marhite na marsomba gana-ganaanmunu i! Tapi ingot hamu ma, anggo dung salpu i angkon oloanmunu do Au jana ulang be pajat hamu goarKu na badia i marhite na maroban pelean tu angka gana-ganaanmunu i.

DANIEL 3:18

Tapi sugari nada dibaen Ia songon i, diastui raja i ma anggo hami nada sombaonnami debata ni raja i jana patung sere na nipajongjong ni raja i pe nada sombaonnami.”

HAMALIMON 14:42

Dung i angka batu na diparuar i, gontion ma dohot batu na imbaru. Dingding batu ni bagas i angkon nilepo mangulahi.

MIKA 4:5

Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

PANGARATAION 13:7

angka debata ni bangso-bangso na donok dohot na dao,

PANGARATAION 29:18

Jadi, jago ma hamu, anso ulang jabat adong sahalak pe sian tonga-tongamunu, halaklahi sanga dadaboru, marsasaripe sanga marga na jongjong dison na marbalik sian Tuhan Debatanta laho marsomba tu angka debata ni bangso na asing i. Tudos do pangalaho na songon i tu urat na tubu gabe suan-suanan na paet boti halalango.

JOSUA 24:16

Gabe dialusi halak Israel i ma, “Nada tadingkononnami Tuhan laho mangoloi tu angka debata na asing!

HAKIM-HAKIM 6:10

Madung Hudok tu hamu bahaso Au do Tuhan Debatamunu, dohot na so tola hamu marsomba angka debata ni bangso Amori na niingananmunu tanona i saonnari. Hape nada diihutkon hamu parentangKu.’ ”