JOSUA 23:2 - BIBEL JAMITA NA DENGGAN

² Jadi gabe dipio ia ma sude halak Israel, rap dohot angka hatobangon, angka pamimpin, angka panguhum, dohot angka panglima, lalu didok ia ma, “Madung matobang situtu au saonnari.

JOSUA 23:2 ပူးပေါင်းရင်းမြစ်များ

1 RAJA-RAJA 1:1

Madung tobang situtu Raja Daud. Haru pe dilehen disia ulos sian abit na hapal, sai tongtong do ia ngalian.

1 RAJA-RAJA 8:1

Dung i disuru Raja Salomo ma angka hatobangan ni ganop marga ni Israel ro manopot ia di Jerusalem laho mangalap Poti Parjanjian ni Tuhan i sian Sion, Kota Ni si Daud, anso dioban tu Bagas Ni Debata.

1 JUJUR TAON 23:2

Dipalagut Raja Daud ma sude pamimpin ni Israel dohot sude malim bope halak Levi.

1 JUJUR TAON 28:1

Diparentahon si Daud ma anso marlagut sude pamimpin ni Israel di Jerusalem. Jadi marlagut ma sudena di Jerusalem angka kapala ni marga, na markarejo di pamarenta, angka kapala ni horong, angka pangawas ni sinadongan dohot pahan-pahanan ni raja i maradu angka dakdanakna – pendekna, sude ma disi angka na sangap sian bagas godang, perwira dohot halak na godang-godang.

PANGARATAION 31:28

Antong, suru hamu ma marlagut sude pamimpin ni marga dohot angka ulubalang di jolongku, anso hupalalu angka pangalaho on tu halahi. Langit dohot tano ma hupiohon gabe saksina maradopkon halahi.

JOSUA 13:1

Madung matobang situtu si Josua saonnari. Didok Tuhan ma tu si Josua, “Madung matobang ho, ale Josua! Hape bahat dope luat sibuaton:

JOSUA 23:3

Madung diida hamu sandiri sandok na nipatupa ni Tuhan Debatamunu maradopkon sude bangso-bangso na dison hara ni hamu. Tuhan Debatamunu i sandiri do na marporang humopkop hamu.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

1 SAMUEL 12:2

Mamungka saonnari ia noma na mamimpin hamu. Anggo au madung matobang. Madung lolot sajo au mamimpin hamu – sian haposoonku dope lopus saonnari. Angka dakdanakku na dung magodangi i ma tandana.