JOSUA 23:15 - BIBEL JAMITA NA DENGGAN

¹⁵ Tapi songon partulus ni janjiNia i pasada-sada na denggan na dibaen Tuhan tu hamu, laing songon i muse do pastina dalankononNia ancamanNia pasada-sada tu hamu.

JOSUA 23:15 ပူးပေါင်းရင်းမြစ်များ

1 RAJA-RAJA 14:15

Uhumon ni Tuhan ma Israel lopus marlapat-lapat songon arung na di batang aek. Buaton ni Tuhan ma halak Israel sian luat na denggan on na nilehenNa tu ompu ni halahi. Sarsarkonon ni Tuhan ma halahi di ipar ni Batang aek Efrat, hara ni na nipagilap-gilap ni halahi muruk ni rohaNia di na nibaen ni halahi angka patung ni debata boru-boru Asera.

1 RAJA-RAJA 8:56

“Pinuji ma Tuhan na dung mangalehen hasonangan tu bangsoNa songon na dung dijanjihonNia marhite si Musa naposoNa i. Sude janji i denggan do jana madung dipatulus Ia.

JESAYA 24:6

I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 32:42

Songon dia pambaenKu parohon parmaraan tu bangso on, laing songon i muse giot lehenonKu sandok na denggan na dung Hujanjihon tu halahi.

JEREMIA 35:17

Hara ni i, Au Tuhan Na Markuaso, Debata ni Israel, paroonKu ma tu hamu halak Juda dohot Jerusalem – sandok parmaraan na giot dondonkononKu tu hamu, songon na dung Hudokkon i. Hubaen pe sudena i, hara ni na so ra do hamu manangihon muda mangkuling Au tu hamu jana nada ra hamu mangalusi di na pio-pio Au tu hamu.”

HAMALIMON 26:3

Muda marpungu hamu mangihutkon angka aturan na sian Au jana dipatulus angka parentangKu,

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

HAKIM-HAKIM 13:1

Mardosa ma mangulahi halak Israel tu Tuhan, jadi gabe dipadiar Tuhan ma halak Pilistin markuaso tu halahi opat pulu taon honokna.

HAKIM-HAKIM 3:12

Mardosa ma mangulahi halak Israel tu Tuhan, jabat dibaen Tuhan si Eglon raja ni Moab gabe gumogo sian Israel.

HAKIM-HAKIM 3:8

Gabe muruk ma Tuhan tu halak Israel jana dipadiar halahi talu jana dirajai Raja Kusan Risataim na sian Mesopotamia salapan taon honokna.

HAKIM-HAKIM 6:1

Mardosa sanoli nari halak Israel tu Tuhan, jadi gabe dipadiar Ia ma bangso Midian mangarajai halahi pitu taon honokna.