JOSUA 22:34 - BIBEL JAMITA NA DENGGAN

³⁴ Ujungna didok Marga Ruben dohot Gad i ma, “Langgatan on ma na gabe saksi di hita sudena bahaso Tuhan do Debata.” Jadi gabe digoari halahi ma langgatan i “Saksi”.

JOSUA 22:34 ပူးပေါင်းရင်းမြစ်များ

PAMUNGKAAN 31:47

Digoari si Laban ma batu na niatak i, Jegar-Sahaduta, jana si Jakob digoari ia ma i, Galed.

PAMUNGKAAN 31:48

Didok si Laban ma tu si Jakob, “Timbunan batu on ma na gabe parningotan di hita na dua.” Hara ni i do dibaen digoari inganan i Gilead.

1 RAJA-RAJA 18:39

Disi diida rayat i pangalaho i, tungkap ma halahi tu tano lalu didok halahi ma, “Tuhan do Debata; Tuhan i do na tutu Debata!”

JESAYA 19:19

Anggo di hatiha i adong noma sada langgatan di Tuhan ingananna di tonga-tonga ni Luat Mesir, jana di parbatasan ni Mesir i adong sada tiang na nibaen hasurungan ni Tuhan.

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

JOSUA 22:27

tapi anso gabe tanda do i di hita na dua pihak, dohot di pomparanta tu pudian ni ari, bahaso na tutu do hami on marsomba tu Tuhan di Bandar ParmiananNia i marhite na maroban haul situtungon, angka sihaulkonon dohot haul haluaan. Jadi muda songon i, nada dohonon ni pomparanmunu be bahaso na so adong sanga na aha parsambungan ni pomparannami dohot Tuhan.

JOSUA 24:27

Dung salpu i mandok hata ma si Josua tu sude angka halahi, “Batu on ma gabe saksinta. Sude hata na nipajojor ni Tuhan tu hita, madung dipajojor di jolo ni batu on. Antong, batu on ma na gabe saksi maradopkon hamu, muda dialo hamu sanoli on Debatamunu.”