JOSUA 22:29 - BIBEL JAMITA NA DENGGAN

²⁹ Pos ma rohamunu, nada ra hami anggo mangalo Tuhan sanga mantak hami mangoloi tuSia marhite na pajongjong langgatan na asing baen tu haul situtungon sanga haul gandum sanga sihaulkonon; angke madung adong do antong langgatan ni Tuhan Debatanta di jolo ni Bandar Parmianan Ni Tuhan.”

JOSUA 22:29 ပူးပေါင်းရင်းမြစ်များ

PAMUNGKAAN 44:17

Ning si Josep ma, “Ah, nada le! Nada ra au mambaen songon i! Hum na maroban piala i sajo do na gabe hatobanku. Anggo hamu na asing i, bolas do mulak tu amanta hamu. Horas ma!”

PAMUNGKAAN 44:7

Dialusi halahi ma tusia, “Na mandok bia dehe tuan i ulaning? Hami sumpahon ma, na so adong hami baen songon i!

1 RAJA-RAJA 21:3

Dialusi si Nabot ma, “Pusako do kobun anggur i sian angka daompung. Mangasahon Tuhan, nada lehenonku i di tuan i!”

2 RAJA-RAJA 18:22

Dung i didok parpangkat i muse ma, “Sanga betak na didok hamu do na mararop roha tu Tuhan, Debatamunu i hamu? Di na niparentahon ni si Hiskia lakna anso hum di jolo ni langgatan na di Jerusalem i sajo manyomba halak Juda dohot Jerusalem, inda he langgatan dohot angka inganan parsombaan tu Tuhan i sandiri na nisego-segonia?

2 JUJUR TAON 32:12

Ia ma da ibana na mangaroncohon angka inganan paribadatan dohot angka langgatan ni Tuhan, lalu disuru ia halak Juda dohot Jerusalem marsomba dohot manutung dupa di sada inganan sajo.

SURAT NI SI PAULUS TU PARLAGUTAN ROM 3:6

Bagi na bia pe, nada! Angke sugari inda tigor Debata, bia ma he baenonNia manguhumi portibi on?

SURAT NI SI PAULUS TU PARLAGUTAN ROM 6:2

Tontu nada songon i! Madung mate hita taringot tu dosa i, jadi bia ma hita bisa dope mangolu di bagasanna?

SURAT NI SI PAULUS TU PARLAGUTAN ROM 9:14

Antong bia ma ujungna dokkononta? Na so tigor do Debata? Anggo i, pasti do tigor Debata!

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

JOSUA 22:23

Muda na tutu ma hami nada mangihutkon parenta ni Tuhan marhite na pajongjong langgatannami sandiri laho manghaulkon haul situtungon sanga laho manghaulkon haul gandum sanga haul haluaan di ginjangna i, sai Tuhan i sandiri ma na manguhumi hami.

JOSUA 22:26

Jadi, i do dalanna umbaen na hami pajongjong sada langgatan. Nada na laho tu haul situtungon sanga laho tu angka sihaulkononnami,

JOSUA 22:28

Jadi anggo maksudnami songon on ma: Sugari sura didok pomparanmunu songon i, gabe bolas ma dohonon ni pomparannami, ‘Ligi da langgatan i! Na dipajongjong ni ompu na umpompar hami do sada langgatan na tudos songon langgatan ni Tuhan. Nada na giot tu haul situtungon sanga baen tu sihaulkonon, tapi na laho tanda do i di hita na dua pihak.’

JOSUA 22:30

Sude na nipajojor ni halahi na sian Marga Ruben, Gad dohot Manase Parhabincaran i, ditangihon Malim Pinehas do dohot sisampulu halak hatobangon ni rayat Israel na sian bagian Hasundutan ni Batang aek Jordan i. Jadi sombu ma pangkilalaan ni halahi umbege hatorangan i.

JOSUA 24:16

Gabe dialusi halak Israel i ma, “Nada tadingkononnami Tuhan laho mangoloi tu angka debata na asing!

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.