JOSUA 22:28 - BIBEL JAMITA NA DENGGAN

²⁸ Jadi anggo maksudnami songon on ma: Sugari sura didok pomparanmunu songon i, gabe bolas ma dohonon ni pomparannami, ‘Ligi da langgatan i! Na dipajongjong ni ompu na umpompar hami do sada langgatan na tudos songon langgatan ni Tuhan. Nada na giot tu haul situtungon sanga baen tu sihaulkonon, tapi na laho tanda do i di hita na dua pihak.’

JOSUA 22:28 ပူးပေါင်းရင်းမြစ်များ

PAMUNGKAAN 31:48

Didok si Laban ma tu si Jakob, “Timbunan batu on ma na gabe parningotan di hita na dua.” Hara ni i do dibaen digoari inganan i Gilead.

2 RAJA-RAJA 16:10

Di na kehe Raja Ahas tu Damaskus laho mandapoti Raja Tiglat-Pileser, diida ia ma langgatan di kota i. Laing ditongoskon ia ma tudosan ni langgatan i tu Malim Uria di Jerusalem singkop dohot ukuranna sudena.

HARURUAR 25:40

Jagohon ma anso laing tudosan ni parlampuan na Hupatidahon na di ginjang dolok i tu ho pambaenna.”

JESAYA 19:19

Anggo di hatiha i adong noma sada langgatan di Tuhan ingananna di tonga-tonga ni Luat Mesir, jana di parbatasan ni Mesir i adong sada tiang na nibaen hasurungan ni Tuhan.

IBRANI 8:5

Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”

JOSUA 22:27

tapi anso gabe tanda do i di hita na dua pihak, dohot di pomparanta tu pudian ni ari, bahaso na tutu do hami on marsomba tu Tuhan di Bandar ParmiananNia i marhite na maroban haul situtungon, angka sihaulkonon dohot haul haluaan. Jadi muda songon i, nada dohonon ni pomparanmunu be bahaso na so adong sanga na aha parsambungan ni pomparannami dohot Tuhan.

JOSUA 22:29

Pos ma rohamunu, nada ra hami anggo mangalo Tuhan sanga mantak hami mangoloi tuSia marhite na pajongjong langgatan na asing baen tu haul situtungon sanga haul gandum sanga sihaulkonon; angke madung adong do antong langgatan ni Tuhan Debatanta di jolo ni Bandar Parmianan Ni Tuhan.”

JOSUA 24:27

Dung salpu i mandok hata ma si Josua tu sude angka halahi, “Batu on ma gabe saksinta. Sude hata na nipajojor ni Tuhan tu hita, madung dipajojor di jolo ni batu on. Antong, batu on ma na gabe saksi maradopkon hamu, muda dialo hamu sanoli on Debatamunu.”