JOSUA 22:27 - BIBEL JAMITA NA DENGGAN

²⁷ tapi anso gabe tanda do i di hita na dua pihak, dohot di pomparanta tu pudian ni ari, bahaso na tutu do hami on marsomba tu Tuhan di Bandar ParmiananNia i marhite na maroban haul situtungon, angka sihaulkonon dohot haul haluaan. Jadi muda songon i, nada dohonon ni pomparanmunu be bahaso na so adong sanga na aha parsambungan ni pomparannami dohot Tuhan.

JOSUA 22:27 ပူးပေါင်းရင်းမြစ်များ

PAMUNGKAAN 31:48

Didok si Laban ma tu si Jakob, “Timbunan batu on ma na gabe parningotan di hita na dua.” Hara ni i do dibaen digoari inganan i Gilead.

PAMUNGKAAN 31:52

Sanga na nitimbun on pe, sanga batu parningotan i, rap tanda parningotan do i. Nada salpuanku timbunan on laho manyerang ho, jana ho pe antong, nada tola lewatanmu timbunan on dohot batu parningotan on laho manyerang au.

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

JESAYA 19:19

Anggo di hatiha i adong noma sada langgatan di Tuhan ingananna di tonga-tonga ni Luat Mesir, jana di parbatasan ni Mesir i adong sada tiang na nibaen hasurungan ni Tuhan.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

JOSUA 22:10

Di na lalu Marga Ruben, Gad dohot Manase Parhabincaran di Gelilot, – di Hasundutan ni Batang aek Jordan dope i – dipajongjong halahi ma sada langgatan na godang jana na tongam di lambung ni batang aek i.

JOSUA 22:26

Jadi, i do dalanna umbaen na hami pajongjong sada langgatan. Nada na laho tu haul situtungon sanga laho tu angka sihaulkononnami,

JOSUA 22:28

Jadi anggo maksudnami songon on ma: Sugari sura didok pomparanmunu songon i, gabe bolas ma dohonon ni pomparannami, ‘Ligi da langgatan i! Na dipajongjong ni ompu na umpompar hami do sada langgatan na tudos songon langgatan ni Tuhan. Nada na giot tu haul situtungon sanga baen tu sihaulkonon, tapi na laho tanda do i di hita na dua pihak.’

JOSUA 22:34

Ujungna didok Marga Ruben dohot Gad i ma, “Langgatan on ma na gabe saksi di hita sudena bahaso Tuhan do Debata.” Jadi gabe digoari halahi ma langgatan i “Saksi”.

JOSUA 24:27

Dung salpu i mandok hata ma si Josua tu sude angka halahi, “Batu on ma gabe saksinta. Sude hata na nipajojor ni Tuhan tu hita, madung dipajojor di jolo ni batu on. Antong, batu on ma na gabe saksi maradopkon hamu, muda dialo hamu sanoli on Debatamunu.”

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.