JOSUA 22:20 - BIBEL JAMITA NA DENGGAN

²⁰ Ingot ma! Si Akan anak ni si Zerah i pe na so ra mangihutkon parenta ni Tuhan salaho tu barang-barang sisoadahononkon. Jana aha do akibatna? Sude Israel hona uhum! Hum si Akan do na mardosa, hapengani anggo na mate nada hum ia sajo!”

JOSUA 22:20 ပူးပေါင်းရင်းမြစ်များ

2 JUJUR TAON 24:18

Gabe nada maribadat be rayat i di Bagas Ni Tuhan, Debata ni ompu ni halahi, tapi marsomba gana-ganaan noma dohot angka patung ni Debata Asera. Patunda ni dosa i muruk ma Tuhan tu Jerusalem dohot Juda.

JOB 35:8

Hum donganmu jolma do i na rugi hara ni dosamu. Jana halahi muse do na maruntung patunda ni hadenggananmu.

HAMALIMON 10:6

Dung i didok si Musa ma tu si Harun dohot tu angka anakna na laing mangolu dope, i ma si Eleasar dohot si Itamar, “Ulang padiar hamu obukmunu nada nisuri, sanga manyuakkon pakeanmu songon na patidahon marsakmunu. Muda dibaen hamu songon i, angkon mate hamu, bope sude bangso Israel angkon muruhan ni Tuhan. Tapi sude halak Israel na asing i, tola do marsak manangisi sidua halak, na mate dibaen api ni Tuhan i.

1 KORINTUS 10:6

Gabe tiruan do i sude di hita, laho paingotkon hita anso ulang sai tahagioti be angka pangalaho na jat songon na nibaen ni halahi i.

JOSUA 22:21

Dialusi halak na sian Marga Ruben, Gad dohot Manase Parhabincaran i ma tu angka kapala ni marga-marga Israel na sian Hasundutan ni Batang aek Jordan i,

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:18

Dung i dipaadop si Josua ma ripe ni si Zabdi marsasahalak, jadi hona ma si Akan anak ni si Karmi, pahompu ni si Zabdi.

JOSUA 7:24

Dung i ditangkup si Josua dohot sude rayat ni Israel i ma si Akan jana dioban ma ia tu Rura Akor dohot sude anaknia, lombu pahan-pahanannia, halode dohot angka biri-birina, bandarna maradu sude sinadongannia bope perak, baju juba dohot sere na nitangkonia i.

JOSUA 7:5

Dikojar angka halak na sian Ai do halahi sian horbangan ni kota Ai sadao-daona lalu hona bunu sian halahi adong tolu pulu onom halak di rereng ni dolok. Jadi gabe mabiar ma angka halak Israel jana gamang.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.