JOSUA 22:15 - BIBEL JAMITA NA DENGGAN

¹⁵ Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.

JOSUA 22:15 ပူးပေါင်းရင်းမြစ်များ

1 JUJUR TAON 21:3

Dialusi si Joab ma, “Sai mur dipabahat Tuhan ma nian rayat ni Israel lopus saratus noli sian bahat ni na adong saonnari. Nada he madung tangkas tunduk halahi tu daulat i? Jadi ia boti aha do gunana baenon sensus on? Naron, hara ni na sala i, gabe sude lalu bangso on mangaesa!”

2 JUJUR TAON 10:19

Mamungka sian hatiha i, sai na mangalo noma rayat na di bagian Utara ni harajaan Israel maradopkon angka raja pomparan ni si Daud.

2 JUJUR TAON 26:18

laho mangalo pambaenanna i. Didok halahi ma, “Di raja i na hami parsangapi! Nada adong hak ni raja i manutung dupa di Tuhan. Tugas ni angka malim pomparan ni si Harun do i, harana halahi do na marhasurungan tusi. Ditadingkon raja i ma inganan na badia on! Ma dialo raja i Tuhan Debata, jana nada ditolopi Ia be raja i.”

2 JUJUR TAON 28:13

Didok halahi ma, “Ulang oban tuson angka na tartaban i! Ma mardosa hita tu Tuhan, jana ma pola magodangtu dosanta laho uhumon. Saonnari giot baenonmunu dope pangalaho na patamba-tamba hasalaanta sajo.”

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

ESRA 9:2

Halaklahi sian halak Jahudi mambuat boru sian bangso na asing i, jadi gabe nada polin be bangso i na dihapunjungkon nampuna ni Tuhan. Angka hatobangon dohot angka pejabat ni Israel muse do na pajolohon mambaen na songon i.

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

HARURUAR 32:8

Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

HAMALIMON 26:40

Tapi anggo pomparanmu dioku halahi do dosa ni halahi sandiri dohot dosa ni ompu ni halahi, na dung mardosa hara ni na dialo halahi Au,

HAMALIMON 5:19

I ma haul tobus ni hasalaan hara ni na mardosa halahi tu Tuhan.

BILANGAN 14:43

Dung paadop-adop hamu annon dohot halak Amalek dohot halak Kanaan i, angkon mate do hamu di parporangan i. Nada ra Tuhan i mandongani hamu hara ni na so ra hamu mangoloi Ia.”

BILANGAN 32:15

Hamu halak Ruben dohot halak Gad, muda aloonmunu Tuhan i saonnari, tinggalkonon ni Tuhan i ma bangso on di halongonan, patundamunu do ro hasusaan i.”

BILANGAN 5:6

angka aturan tu bangso Israel. Muda adong sahalak na so manghabiari Tuhan, mambaen hasalaan tu halak na asing,

MATEUS 18:17

Muda laing inda ditangihon ia sipaingot ni halahi i, paboa ma di tonga-tonga ni parlagutan. Muda laing inda ditangihon ia be sipaingot ni parlagutan i, etong hamu ma i songon halak na so mananda Tuhan. Sanga songon sada halak sitagi pajak.”

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

1 KORINTUS 5:4

“Mangasahon goar ni Tuhan Jesus Kristus hudok ma di hamu, angkon niuhum do halak na songon i hodar ni pangalahona!” Jadi muda marlagut hamu jana di tonga-tongamunu au markite-hite tondingku, mangasahon kuaso ni Tuhanta Jesus Kristus,

PANGARATAION 30:17

Tapi muda nada ra hamu mangoloi dohot manangihon jana dipadiar hamu dirimunu dililuhon laho mamele tu angka debata na asing,

PANGARATAION 7:4

anso ulang dipadao halahi angka dakdanakmu sian Tuhan laho marsomba tu angka debata na asing. Muruk do Tuhan tu hamu muda marsomba ho tu angka debata na asing jana manigor do pusaonNia ho.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

JOSUA 22:12

Di na tarbege tu angka halak Israel barita i, marroan ma halahi sude marlagut di Silo laho mamorangi angka marga ni Israel na di Habincaran ni Batang aek Jordan i.

JOSUA 22:14

Laing dohot muse do sampulu halak angka pamimpin ni bangso Israel mandongani si Pinehas – sahalak sian ganop marga na di Hasundutan ni Batang aek Jordan – i ma kapala ripe sian angka marga ni halahi.

JOSUA 22:16

Jadi songon gonti ni sude halak ni Tuhan, didok halahi ma tu halak na sian Marga Ruben, Gad dohot Manase Parhabincaran i, “Biasi baenonmunu pangalaho na jahat on maradopkon Debata ni Israel? Na mangalo Tuhan do hamu, di na nibaenmunu langgatan di hamu! Nada dipatulus hamu be angka na niparentahonNia!

JOSUA 22:18

Jana saonnari, na giot manghudukkon Tuhan dope hamu mangulahi? Muda dialo hamu Tuhan sadari on, muruk ma Tuhan ancogot tu sude halak na di Israel.

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”