JOSUA 21:45 - BIBEL JAMITA NA DENGGAN

⁴⁵ Dipatulus Tuhan do sasude na dijanjihonNia tu halak Israel; sada pe nada adong na so dipatulusNia.

JOSUA 21:45 ပူးပေါင်းရင်းမြစ်များ

1 RAJA-RAJA 8:15

Didokkon si Salomo ma, “Nahinan madung marjanji Ho Tuhan tu damang si Daud songon on, ‘Sian dung Huoban bangsongKu ruar sian Mesir, di sude luat ni Israel, nada adong sada pe kota na Hupili na gabe inganan na angkon disi pajongjongon bagas parsombaan tu Au. Tapi ho ale Daud, madung Hupili ho laho mamarenta bangsongKu.’ Pinuji ma Tuhan Debata ni Israel na dung patulus janjiNa i!”

1 RAJA-RAJA 8:20

Antong saonnari madung dipatulus Tuhan i janjiNa. Madung gabe raja au di Israel manggonti damang, jana madung hupajongjong muse bagas parsombaan di Tuhan Debata ni Israel.

1 RAJA-RAJA 8:24

Tongtong do ditiop Ho janjiMu tu damang si Daud; sadari on, sude hata na dung didokkonMi madung dipatulus Ho.

1 RAJA-RAJA 8:56

“Pinuji ma Tuhan na dung mangalehen hasonangan tu bangsoNa songon na dung dijanjihonNia marhite si Musa naposoNa i. Sude janji i denggan do jana madung dipatulus Ia.

NEHEMIA 9:8

Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.

JESAYA 48:3

Didok Debata ma tu Israel: “Di na honok madung Hulumbahon hian na giot masa, jana ompot do i Hubaen gabe tarjadi.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

1 KORINTUS 1:9

Pos do roha di Debata, nada adong sihagangguhonon diSia. Ia do Debata na mamio hamu gabe sada dohot AnakNa i, i ma Jesus Kristus Tuhanta i.

1 TESSALONIKA 5:24

Haposan do Debata na mamiohon hamu, patulusonNia do songon i tu hamu.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.