JOSUA 21:44 - BIBEL JAMITA NA DENGGAN

⁴⁴ Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.

JOSUA 21:44 ပူးပေါင်းရင်းမြစ်များ

2 JUJUR TAON 13:16

lopus lari halahi. Monang ma halak Juda dibaen Debata maralohon halahi.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

HARURUAR 33:14

Jadi didok Ia ma, “Sai dongananKu do hamu jana lehenonKu hamonangan di hamu.”

JESAYA 63:14

Dioban Tuhan halahi tu inganan paradianan songon pahanan na niiring laho tu padang manjampali. Ia sandiri do manogu halahi, anso dipagodang halak goarNia.

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

PANGARATAION 21:10

“Muda dilehen Tuhan di hamu hamonangan di bagasan parporangan, jana dibuat hamu taban di porang i,

IBRANI 4:9

Jadi anggo di halak ni Debata laing adong dope janji anso maradian songon Debata na maradian di ari papituhon i.

JOSUA 1:13

“Ingot! Madung didok si Musa naposo ni Tuhan i do tu hamu, anggo tano na di Habincaran ni Batang aek Jordan on na giot lehenon ni Tuhan Debatamunu do di hamu baen tanomunu sandiri.

JOSUA 1:15

lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 11:12

Dirampas si Josua ma angka kota i sudena. Ditangkupi rajana i lalu dibunu, hombar tu parenta ni si Musa, naposo ni Tuhan i.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

JOSUA 22:9

Jadi mulak ma Marga Ruben, Gad dohot Marga Manase Parhabincaran tu tano ni halahi. Ditadingkon halahi ma halak Israel na asing i di Silo na di tano Kanaan, lalu kehe ma halahi tu tano ni halahi sandiri, i ma tano Gilead. Hara ni parenta ni Tuhan markite-hite si Musa do diingani halahi tano i.

JOSUA 23:1

Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu.