JOSUA 21:43 - BIBEL JAMITA NA DENGGAN

⁴³ Songon i ma dilehen Tuhan tu halak Israel sude tano na dung DijanjihonNia i mardongan sumpa tu ompu na umpompar halahi. Dung dibuat tano i, maringanan ma halak Israel disi.

JOSUA 21:43 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

2 JUJUR TAON 20:8

Madung maringanan halahi dison jana dipajongjong sada bagas paribadatan laho pasangapkon Ho. Diboto halahi do,

NEHEMIA 9:24

Tano Kanaan ditaluhon halahi, dipatunduk Ho halak na maringanan disi. Dilehen Ho do kuaso mambaen lomo ni rohana, maradopkon angka bangso Kanaan dohot angka rajana.

NEHEMIA 9:8

Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.

MASMUR 105:8

IngotonNia do tongtong parjanjianNia, marlaku do janjiNia lopus saribu sundut.

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.

BILANGAN 33:53

Angkon rampason jana ingananmunu do tano i, angke madung Hulehen i di hamu.

BILANGAN 34:2

angka parenta on tu halak Israel, “Santongkin nari masuk ma hamu tu tano Kanaan, luat na giot lehenonKu gabe tano siteanonmunu. Songon on ma parbalohan ni luat i.

PANGARATAION 11:31

Nada sadia honok nari tariparanmunu ma Batang aek Jordan jana ingananmunu ma tano na giot silehenon ni Tuhan Debatamunu i di hamu. Dung dirampas hamu tano i jana maringanan hamu disi,

PANGARATAION 12:29

“Di na mamorangi luat i hamu, abiskonon ni Tuhan Debatamunu i ma angka bangso na maringanan disi, gabe tarbuat hamu ma luat i jana taringani hamu.

PANGARATAION 17:14

“Muda dung hamu nampuna tano na giot silehenon ni Tuhan Debatamunu tu hamu, jana dung maringanan hamu disi, aropku por do rohamunu adong sada rajamunu, songon angka bangso na maringanan humaliang hamu.

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JOSUA 21:42

Adong be do tano padang-padang humaliang kota i.

HAKIM-HAKIM 11:24

Jana saonnari na giot buatonmu ma he i mangulahi? Anggo tano na nilehen ni Kamos debatamunu i, tola ma i hot hamu nampunasa. Tapi anggo na nilehen ni Tuhan Debatanami di hami, partahankononnami do i.

1 SAMUEL 12:8

Di na ro si Jakob dohot dakdanakna tu Mesir, jana dipisat halak Mesir halahi, mangido tolong do ompumunu i tu Tuhan, jadi gabe disuru Tuhan ma si Musa dohot si Harun. Sidua halak i ma na maroban ompumunu sian Mesir dohot na mangurupi halahi gabe maringanan di luat on.