JOSUA 19:26 - BIBEL JAMITA NA DENGGAN

²⁶ Alamelek, Amad dohot Misal. Dais do garis batas ni halahi sabola Hasundutan di Karmel dohot di Sikar Libnat.

JOSUA 19:26 ပူးပေါင်းရင်းမြစ်များ

1 RAJA-RAJA 18:19

Saonnari, parentahon ma sude rayat ni Israel anso marsuo dohot au di Dolok Karmel. Oban muse ma panurirang ni Baal siopat ratus lima pulu halak i dohot siopat ratus halak panurirang ni debata boru-boru Asera i na nibalanjoan ni Ratu Isebel i!”

1 RAJA-RAJA 18:20

Jadi diarahon si Ahab ma sude rayat dohot angka panurirang ni Baal i tu Dolok Karmel,

1 RAJA-RAJA 18:42

Jadi kehe ma si Ahab mangan jana si Elia kehe ma manangkok tu Dolok Karmel. Manungkap ma ia tu tano, diantara ni dugulnia i ma ulunia.

2 RAJA-RAJA 2:25

Dipatorus si Elisa ma pardalanannia tu Dolok Karmel, dung i mulak tu Samaria.

1 JUJUR TAON 6:74

Di Luat Aser: Masal, Abdon,

ENDE NA GODANG 7:5

Ulumu tu ginjang dorgak, songon Dolok Karmel gakgak. Obukmu tudos tu sutra na lamot gergerna, tarhalomong raja i patunda ni na so tarhatahon jegesna.

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 37:24

Ditongos ho ma suruanmu mamburas, na dung nitaluhonmu marhite sude kareta porangmi angka dolok pargincat na di Libanon. Manggodang ma ho mandok na dung ditaba ho angka bona ni sampinur na gumincat dohot na jumegesna disi, jana dibolusi ho angka harangan godang na tumobangna i.

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

JOSUA 15:55

Songon i muse sisampulu kota na mangihut on dohot angka luat na humaliangna: Maon, Karmel, Zip, Juta, Jisreel, Jokdeam, Zanoah, Kain, Gibea dohot Timna.

JOSUA 19:25

Na masuk tu luat ni halahi do: Helkat, Hali, Beten, Aksap,

JOSUA 19:27

Sian i mangeldok ma batas ni halahi i tu Habincaran tu Bet-Dagon mardomu ma i tu batas ni Zebulon dohot Rura Jifta-El manuju tu Utara tu Bet-Emek dohot Nehiel. Laing torus ma garis batas i tu Utara tu Kabul,

JOSUA 21:30

Sian Marga Aser dijagit halahi opat kota, i ma: Misal, Abdon,

1 SAMUEL 15:12

Ancogotna i, manyogot dope, kehe ma si Samuel anso marsuo nian dohot si Saul. Dipaboa ma tusia bahaso na dung kehe si Saul tu kota Karmel jana dipajongjong ia disi sada batu parningotan disia, sian i torus ia tu Gilgal.