JOSUA 18:6 - BIBEL JAMITA NA DENGGAN

⁶ Disuratkon ma garis batas ni tano na pitu bagian i, baru dilehen tu au. Huundi ma muse anso tarboto sanga aha na nitontuhon ni Debata di hamu.

JOSUA 18:6 ပူးပေါင်းရင်းမြစ်များ

MASMUR 105:11

Ning Ia do, “LehenonKu ma di ho tano Kanaan baen tean-teanan.”

PODA 16:33

Dibaen halak do undi, tapi Tuhan do na manontuhon sude alusna.

PODA 18:18

Muda maradopan dua halak na gogo di pangadilan, tarpaberes do parkaro i marhite undian.

BILANGAN 33:54

Dung i angkon bagi-bagionmunu do tano i tu ganop marga-marga ni Israel marhite na mambaen undi. Tu marga na gumodang lehen hamu tano na umbidang gabe pusako ni halahi, tu marga na ummenek tano pusako na so pola bidang.

BILANGAN 34:13

Dung i didok si Musa ma tu bangso Israel, “On ma tano sijagitonmunu marhite undi, tano na niparentahon ni Tuhan i angkon bagi-bagion tu sambilan satonga marga ni Israel.

BAENON NI ANGKA RASUL 13:19

Dung i dironcohon Ia pitu bangso di tano Kanaan, dilehen Ia ma tano i di halahi gabe teanonna.

JOSUA 14:2

Songon na niparentahon ni Tuhan tu si Musa, anggo luat na di Hasundutan ni Batang aek Jordan ditontuhon do gabe bagian ni sambilan satonga marga ni Israel. Jana angkon diundi do parbagina baenon.

JOSUA 18:10

Dung i didanggurkon si Josua ma undi anso tarboto sanga aha na nitontuhon ni Tuhan di halahi. Dung salpu i, dilehen si Josua ma tu ganop marga ni Israel na so dapotan parbagian ni tano i dope, tano bagianna be.

JOSUA 18:7

Hum Marga Levi sajo do na so dapotan parbagian tano rap dohot hamu, angke anggo bagian ni halahi, i ma: Gabe angka malim laho mangoloi Tuhan. Jana anggo salaho tu Marga Gad, Ruben dohot Manase Parhabincaran, na dung manjagit bagianna be do halahi di Habincaran ni Jordan. Na dung dilehen si Musa, naposo ni Tuhan i do tano i di halahi.”

JOSUA 18:8

Jadi dipaingot si Josua ma angka halahi songon on, “Tangkasi hamu ma sude luat i jana ukur hamu ma tano i, dung i ro ma hamu mandapotkon au. Huundi ma muse di Silo on anso tarboto sanga aha na nitontuhon ni Tuhan di hamu.”