JOSUA 18:28 - BIBEL JAMITA NA DENGGAN

²⁸ Zela, Elep, Jebus (i ma Jerusalem), Gibea dohot Kiryat-Jearim. Opat bolas kota sudena dohot angka luatna. Angka i ma tano na dilehen tu ripe sian Marga Benyamin na gabe bagian ni halahi.

JOSUA 18:28 ပူးပေါင်းရင်းမြစ်များ

2 SAMUEL 21:14

Dung i ditanom ma holi-holi ni si Saul dohot si Jonatan dohot sipitu halak i di kuburan ni si Kis amang ni si Saul, di Zela na di Luat Benyamin. Dung sidung dipadalan sudena i hombar tu parenta ni raja i, dipatulus Debata ma tangiang ni halahi salaho tu luat i.

2 SAMUEL 23:29

Si Heleb anak ni si Baana halak Netofa; si Itai anak ni si Ribai Marga Benyamin halak Gibea.

2 SAMUEL 5:6

Di sada ari kehe ma si Daud dohot parangannia laho mamorangi Jerusalem. Diambang halak Jebus na mangingani kota i na so tartaluhon si Daud Jerusalem. Jadi gabe didok halahi ma tusia, “Nada tarbaen ho masuk anggo tuson da; salangkan halak na mapitung dohot halak na matimpang pe sanggup do mangambat ho.”

2 SAMUEL 5:8

Didok si Daud ma tu parangannia i, “Adong dehe dison halak na margoyak ni roha mida halak Jebus songon goyak ni rohangkon? Tuk do goyak ni rohana laho mamunu halahi? Anggo songon i, masuk ma sian bubusan ni aek jana niporangan ma angka jolma na mapitung dohot na matimpang na huhagigihon i.” (I ma dalanna umbaen didok halak, “Nada tola halak na mapitung dohot na matimpang masuk tu Bagas Ni Tuhan.”)

1 JUJUR TAON 8:28

Angka halahi ma kapala ripe dohot pamimpin na tarsurat di tarombo ni halahi. Maringanan di Jerusalem do halahi.

JESAYA 10:29

Madung disalpui halahi panariparan jana marborngin halahi di Geba! Humitir ma halak Rama jana halak Gibea kota ni Raja Saul madung markehean marsipalua dirina.

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

HOSEA 10:9

Didok Tuhan ma, “Mamungka sian na masa di Gibea, laing na so mantak dope halak Israel mambaen dosa mangalo Au. Jadi di Gibea pe lingkupon ni porang ma halahi.

BILANGAN 26:38

Pomparan ni si Benyamin: Marga Bela, Asbel, Ahiram,

BILANGAN 26:54

Baen ma dadu laho mambagi tano i. Lehen ma tano na umbidang tu ompu na umbahat bope bagian na ummenek tu saompu na ummotik.”

BILANGAN 33:54

Dung i angkon bagi-bagionmunu do tano i tu ganop marga-marga ni Israel marhite na mambaen undi. Tu marga na gumodang lehen hamu tano na umbidang gabe pusako ni halahi, tu marga na ummenek tano pusako na so pola bidang.

JOSUA 15:63

Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.

JOSUA 15:8

dung i manangkok mamolus Rura Hinom tu Selatan ni tor inganan hajongjongan ni Jerusalem kota ni angka halak Jebus. Sian i torus ma garis batas i tu ambubu ni tor i di Hasundutan ni Rura Hinom, di ujung Parutara ni Rura Refaim,

JOSUA 18:16

Dung i manuat ma garis batas i tu pat ni dolok na paadop-adop dohot Rura Hinom, di ujung sian Utara ni Rura Refaim. Dung i mamolus ma garis batas i sian Rura Hinom tu Selatan, sabola Selatan ni robean ni tor na di Luat Jebus, laho tu En-Rogel.

JOSUA 18:27

Rekem, Jirpeel, Tarala,

JOSUA 19:1

Bagian na paduahon, i ma tano di angka ripe na sian Marga Simeon. Masuk do tano ni halahi lopus tu bagasan ni tano nampuna ni Marga Juda.

HAKIM-HAKIM 1:21

Marga Benyamin pe nada tarusir halahi morot halak Jebus sian kota Jerusalem. I ma dalanna umbaen na laing rap disi halak Jebus dohot halak Benyamin.

HAKIM-HAKIM 19:10

Tapi nada ra be halak Levi i marborngin disi. Kehe ma ia dohot radingnia i rap dohot hatobannia i dohot halodenia na dua i nadung dipalanoi. Tolap ma halahi di kota na di tongtang ni Jebus (i ma Jerusalem).

1 SAMUEL 10:26

Si Saul pe mulak ma tu bagasnia di Gibea, na nidonganan ni piga-piga halak na barani boti na dung dionjar ni Tuhan rohana mandongani si Saul.