JOSUA 17:18 - BIBEL JAMITA NA DENGGAN

¹⁸ Buat hamu ma luat partoran, angke haru pe laing harangan dope luat i, bolas do i bukaonmunu anso gabe hamu puna sudena i. Jana anggo taringot tu halak Kanaan i do, tarpaorot hamu do i haru pe gogo halahi jana markareta porang na sian bosi.”

JOSUA 17:18 ပူးပေါင်းရင်းမြစ်များ

PAMUNGKAAN 49:24

Tapi laing hot do togu panania i, jana tangannia tong-tong margogo, hara ni kuaso ni Parmahan Na Gumogo, Debata ni si Jakob dolok batu ni Israel.

2 SAMUEL 18:6

Dung i kehe ma tentara ni si Daud i mamorangi pasukan ni Israel, jana marporang ma halahi di harangan Efraim.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

SURAT NI SI PAULUS TU PARLAGUTAN ROM 8:37

Tapi di bagasan sasudena i, na monang situtu do hita markite-hite Ia na dung mangkaholongi hita!

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

JOSUA 13:6

Dohot muse do sude luat ni angka halak Sidon na maringanan di antara ni angka dolok na di Libanon dohot kota Misrefot Maim.” Dung i ninna Tuhan dope tu si Josua, “Muda kehe muse halak Israel mamorangi, paorotonKu ma sude angka bangso i. Jana angkon bagi-bagihononmu do tano i tu halak Israel anso gabe halahi puna, songon na dung Huparentahon tu ho.

JOSUA 15:9

dung i torus ma tu mual ni aek Me-Neftoah, torus tu angka kota na di lambung ni Dolok Efron. Sian i mangeldok do garis batas i sabola tu Baala (i ma Kiryat-Jearim),

JOSUA 17:17

Jadi didok si Josua ma tu Marga Efraim dohot Manase Parhasundutan i, “Tutu do i sibahat-bahat hamu boti na gogo. Jadi bagianmunu pe angkon lobi do sada.

JOSUA 20:7

Jadi ditontuhon halak Israel ma angka na mangihut on gabe kota haporusan: Kedes di partoran Naftali na di Galilea, Sikem di partoran Efraim; dohot Hebron di partoran Juda.

1 SAMUEL 1:1

Adong ma sada bayo na margoar si Elkana, sian Marga Efraim. Maringanan di kota Rama na di pardolohan Efraim do ia. Si Elkana on i ma anak ni si Jeroham jana pahompu ni si Elihu. Masuk tu horong Tohu jana masuk tu Marga Zup.