JOSUA 17:16 - BIBEL JAMITA NA DENGGAN

¹⁶ Dialusi pomparan ni si Josep i ma, “Nada tuk bolak ni luat partoran i di hami, hapengani bangso Kanaan na maringanan di angka tano na hornop na di lombang i pe markareta porang sian bosi do – i ma na maringanan di Bet-Sean dohot di angka luat na humaliangna, bope na maringanan di Rura Jisreel.”

JOSUA 17:16 ပူးပေါင်းရင်းမြစ်များ

1 RAJA-RAJA 18:45

Di na santongkin i manigor dokdok ma langit jana mangombus ma alogo na gogo, udan potir pe mamungka ma durus. Ditengget si Ahab ma karetania laho mulak tu Jesreel.

1 RAJA-RAJA 18:46

Mandapot gogo ma si Elia di ombas i sian Tuhan. Dilompit ia ma baju jubania i tu ginjang jana ditambat ia ma tu gontingnia, jadi dilojong ia ma manjoloi si Ahab sapanjang dalan i lopus lalu tu horbangan ni Jesreel.

1 RAJA-RAJA 21:1

Di lambung bagas godang ni Raja Ahab na di Jisreel adong ma sada kobun ni sada bayo na margoar si Nabot.

1 RAJA-RAJA 21:23

Jana salaho tu si Isebel, didok Tuhan do na giot papanganan ni anjing pamatangnia i di tonga-tonga ni kota Jisreel.

2 RAJA-RAJA 9:10

Nada tanomon anggo si Isebel; panganon ni anjing do bangkena i di Rura Jisreel.’ ” Dung didok panurirang na poso i songon i, ruar ma ia, jana manigor kehe ma.

2 RAJA-RAJA 9:37

Marserak ma angka teba-teba ni bangkena i songon kotoran ni pahan-pahanan, umpe sahalak be manandasa.”

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

JOSUA 17:11

Di holang-holang ni Luat Isakar dohot Aser adong do tano ni halak Manase, i ma: Bet-Sean dohot Jibleam dohot angka luat na humaliangna. Songon i muse: Dor (kota na di topi ni laut), Endor, Taanakh, Megido dohot angka luat na humaliangna.

JOSUA 17:15

Dialusi si Josua ma, “Muda mabahattu hamu gabe masompittu do Dolok Efraim di hamu, antong kehe ma hamu tu luat ni angka halak Peris dohot Refaim. Pungka hamu ma angka inganan na imbaru di angka harangan ni halahi i.”

JOSUA 17:17

Jadi didok si Josua ma tu Marga Efraim dohot Manase Parhasundutan i, “Tutu do i sibahat-bahat hamu boti na gogo. Jadi bagianmunu pe angkon lobi do sada.

JOSUA 17:18

Buat hamu ma luat partoran, angke haru pe laing harangan dope luat i, bolas do i bukaonmunu anso gabe hamu puna sudena i. Jana anggo taringot tu halak Kanaan i do, tarpaorot hamu do i haru pe gogo halahi jana markareta porang na sian bosi.”

JOSUA 19:18

Na masuk tu luat ni halahi: Jisreel, Kesulot, Sunem,

HAKIM-HAKIM 1:19

Ditolong Tuhan do halak Juda gabe tarbuat halahi luat partoran, tapi nada tarbuat halahi angka halak na di rura, harana adong do angka kareta na sian bosi nampuna ni halahi.

HAKIM-HAKIM 4:13

dipalagut ia ma kareta porangnia na sian bosi na sambilan ratus i, rap dohot sude pasukannia i lalu disuru ia halahi sian Haroset-Hagoyim tu Batang aek Kison.

HAKIM-HAKIM 4:3

Adong do sambilan ratus kareta porang na sian bosi di si Jabin. Dua pulu taon honokna ia manjajah halak Israel, i noma kejamna. Dung i pio-pio ma halahi mangido tolong tu Tuhan.

HAKIM-HAKIM 6:33

Di hatiha i madung marlagut sude halak Midian, Amalek dohot angka horong ni bangso na di parhorsihan na di Habincaran ni Jordan. Ditaripari halahi ma Batang aek Jordan jana marbandar halahi di Rura Jisreel.

1 SAMUEL 29:1

Dipalagut halak Pilistin ma sude tentarana di Afek, jana halak Israel marbandar di lambung ni mual na di Rura Jisreel.