JOSUA 17:13 - BIBEL JAMITA NA DENGGAN

¹³ Salang di pudian ni ari dung gumogo halak Israel laing nada dipaorot halahi sude halak Kanaan, tapi dipaksa halahi do angka jolma i markarejo di halahi.

JOSUA 17:13 ပူးပေါင်းရင်းမြစ်များ

PAMUNGKAAN 49:15

I noma dengganna diida ingananna i, songon i ma antong jeges ni luat i, mamuhung ma ia mamorsan boban, parkarejo na hona paksa songon naposo.

2 SAMUEL 3:1

Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

JOSUA 16:10

Tapi nada diusir Efraim halak Kanaan ruar sian Geser. I ma dalanna lopus tu saonnari laing maringanan halak Kanaan di Geser rap dohot halak Efraim, tapi dipaksa do halahi markarejo baen di halak Efraim.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

HAKIM-HAKIM 1:28

Tutu nian dung mur martamba gogo halak Israel, dipaksa halahi do halak Kanaan i markarejo di halahi, tapi laing na so dipaorot halahi do angka halak Kanaan i sian i.

HAKIM-HAKIM 1:30

Halak na mangingani kota Kitron dohot Nahalol pe nada dipaorot Marga Zebulon. I ma dalanna umbaen na laing rap tinggal sainganan halak Kanaan dohot halahi, tapi dipaksa do halak Kanaan i markarejo di halahi.

HAKIM-HAKIM 1:33

Halak kota Bet-Semes dohot Bet-Anat pe nada dipaorot Marga Naftali. Laing maringanan di kota i do halak Kanaan rap dohot halak Naftali tapi dipaksa markarejo.

HAKIM-HAKIM 1:35

Torus ma halak Amori maringanan di Ayalon, Saalbim, dohot di Dolok Heres, tapi sai dipupu Marga Efraim dohot Manase do mamisat halak Amori i jana dipaksa markarejo di marga na dua i.