JOSUA 17:11 - BIBEL JAMITA NA DENGGAN

¹¹ Di holang-holang ni Luat Isakar dohot Aser adong do tano ni halak Manase, i ma: Bet-Sean dohot Jibleam dohot angka luat na humaliangna. Songon i muse: Dor (kota na di topi ni laut), Endor, Taanakh, Megido dohot angka luat na humaliangna.

JOSUA 17:11 ပူးပေါင်းရင်းမြစ်များ

2 SAMUEL 21:12

kehe ma ia mambuat holi-holi ni si Saul dohot si Jonatan sian halak Jabes na di Gilead. (Na ditangko ni halahi do holi-holi i sian alaman godang ni kota na di Bet-San, disi do inganan panggantungan ni angka bangke i hian dibaen halak Pilistin dung talu si Saul dibaen halahi di Dolok Gilboa.)

1 RAJA-RAJA 9:15

Karejo paksa do dibaen Raja Salomo di na pajongjong Bagas Ni Debata dohot bagas godang ni raja i, benteng ni kota i bope dohot manimbun tano sabola Selatan ni kota i. Dos do pangalahona dibaen ia di na pajongjong kota Hasor, Megido dohot Geser. (

2 RAJA-RAJA 9:27

Diida si Ahasia do sude na masa i, jana kehe ma ia paluahon dirinia tu kota Bet-Hagan. Dikojar si Jehu ma ia jana marsurak ma ia tu parangannia, “Dohot ma i matehon!” Dipanah halahi ma ia jana mabugang di dalan laho tu Gur, di lambung Jibleam. Tapi laing tarbaen ia dope marlojong paluahon dirina lalu tu Megido jana disi ma ia mate.

1 JUJUR TAON 6:70

Di Luat Manase Parhasundutan dijagit halahi ma bagianna huta Aner dohot Bileam rap dohot padang-padang na humaliangna i.

1 JUJUR TAON 7:29

Dikuasoi pomparan ni si Manase do angka kota Bet-Sean, Taanak, Megido, Dor dohot angka huta pagaran na humaliang i. I ma sudena luat na niinganan ni pomparan ni si Josep anak ni si Jakob i.

2 JUJUR TAON 35:22

Tapi laing karas do si Josia laho mangalo. Nada ra ia mangihutkon na nidok ni Debata marhite Raja Neko i. Pauba rupa ma ia jana kehe ia masuk tu parporangan na di tano napa Megido.

MASMUR 83:10

na niabiskon di Endor, jana bangkena i gabe napu ni tano.

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

ZAKARIA 12:11

Masa ma di ari i andung na godang di Jerusalem songon na mangandungi Hadad-Rimon na di Rura Megido.

JOSUA 11:2

tu angka raja ni kota na di pardolohan sabola Utara, di Rura Jordan sabola Selatan ni Galilea, na di pat ni dolok dohot na di luat partopi ni laut donok tu Dor.

JOSUA 16:9

dohot piga-piga kota maradu angka luat na adong di tano ni Manase.

JOSUA 17:10

Jadi songon i ma pangalahona Efraim di Selatan jana Manase di Utara, jana Laut Tonga ma batas ni halahi sabola Hasundutan. Anggo di Barat Laut, marbatas dohot Aser do luat ni Manase, jana di Timur Laut marbatas dohot Isakar ma luat i.

JOSUA 17:16

Dialusi pomparan ni si Josep i ma, “Nada tuk bolak ni luat partoran i di hami, hapengani bangso Kanaan na maringanan di angka tano na hornop na di lombang i pe markareta porang sian bosi do – i ma na maringanan di Bet-Sean dohot di angka luat na humaliangna, bope na maringanan di Rura Jisreel.”

HAKIM-HAKIM 1:27

Anggo Marga Manase nada dipaorot halahi halak na maringanan di kota Bet-Sean, Taanak, Dor, Jibleam dohot Megido maradu angka kota na adong humaliangna. Jadi laing hot do disi maringanan halak Kanaan.

HAKIM-HAKIM 5:19

Marporang halahi di lambung ni mual Megido, di Taanak, marporang raja-raja ni Kanaan, tapi nada dirampassa perak.

1 SAMUEL 28:7

Jadi hara ni i didok ia ma tu angka hatobannia, “Jalahi hamu sibaso na malo mamio sumangot, tusi noma au kehe laho mangido panogu-noguon.” Dialusi halahi ma, “Di En-Dor adong do datu.”

1 SAMUEL 31:10

Dung i dibaen ma angka sinjata ni si Saul i di bagasan bagas pamelean ni Debata Astoret, jana dipakuhon ma bangkena i di tembok ni kota Bet-Sean.

1 SAMUEL 31:12

kehe ma angka jolma na umpuluk sian i jana mardalan ma halahi saborngin i tu Bet-Sean. Dipaijur halahi ma bangke ni si Saul dohot bangke ni angka anaknia sian tembok ni kota i lalu dioban halahi ma i tu Jabes jana ditutung ma i.