JOSUA 15:7 - BIBEL JAMITA NA DENGGAN

⁷ dung i torus ma i tu Rura Akor lalu tu Debir, lalu mangeldok tu Utara mangulahi adop Gilgal di inganan na tongtang dohot robean ni angka dolok na di Adumim na di Selatan ni rura i. Sian i torus muse tu mual ni aek En-Semes lopus tu En-Rogel,

JOSUA 15:7 ပူးပေါင်းရင်းမြစ်များ

2 SAMUEL 17:17

Jadi painte-intehon ma si Jonatan anak ni si Abyatar dohot si Ahimaas anak ni si Zadok i di lambung ni mual En-Rogel na di topi ni kota Jerusalem i. Nada puluk be halahi masuk tu kota i, angke mabiar halahi diida halak. Songon somalna, adong do sada anakboru parkobas na palaluhon tu halahi barita sipalaluon tu Raja Daud.

1 RAJA-RAJA 1:9

Di na sadari di inganan na margoar Batu Ulok di lambung ni mual ni Batang aek En-Rogel, dihaulkon si Adonia ma haul biri-biri, lombu jantan dohot angka lombu jara-jara na mokmok. Angka anak ni Raja Daud na asing i dohot angka pagawe na di bagas ni raja i sian Juda, madung diontang si Adonia tu pesta haul i,

JESAYA 65:10

jana marsomba tu Au. Biri-biri dohot lombu ni halahi manjampali ma di Napa Saron dohot di Rura Akhor.

HOSEA 2:5

Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”

JOSUA 10:43

Dung salpu i, mulak ma si Josua dohot tentarania i tu parbandaran na di Gilgal.

JOSUA 15:15

Sian i kehe ma si Kaleb mamorangi angka jolma na maringanan di Debir. (Tarbarita do najolo goar ni kota i Kiryat-Sefer.)

JOSUA 15:6

manangkok tu Bet-Hogla, lalu torus tu Utara ni Bet-Araba. Sian i manangkok dope torus batas i tu Utara, lalu tu batu Bohan. (Si Bohan anak ni si Ruben do i),

JOSUA 18:17

Torus mangeldok ma garis batas i tu Utara tu En-Semes, torus tu Gelilot di bariba ni Tangkohan Adumim. Dung i manuat ma batas i tu batu Bohan (anak ni si Ruben do si Bohan),

JOSUA 4:19

Di tanggal sampulu bulan parjolo ma halak Israel lalu di bariba ni Jordan. Dung i marbandar ma halahi di Gilgal di Habincaran ni Jeriko.

JOSUA 7:24

Dung i ditangkup si Josua dohot sude rayat ni Israel i ma si Akan jana dioban ma ia tu Rura Akor dohot sude anaknia, lombu pahan-pahanannia, halode dohot angka biri-birina, bandarna maradu sude sinadongannia bope perak, baju juba dohot sere na nitangkonia i.

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.