JOSUA 15:47 - BIBEL JAMITA NA DENGGAN

⁴⁷ Songon i muse Asdod dohot Gasa dohot angka luat maradu angka pagaranna na gumodang lopus tu lambung ni anak ni batang aek na di parbatasan ni Mesir dohot topi ni Laut Tonga.

JOSUA 15:47 ပူးပေါင်းရင်းမြစ်များ

1 RAJA-RAJA 5:4

Tapi anggo saonnari, madung dilehen Tuhan Debatangku hadamean di sude luat na hurajai. Nada adong na marmusu tu au, jana nada adong muse be hasusaan.

2 RAJA-RAJA 18:8

Ditaluhon ia halak Pilistin jana dirampasi ia inganan ni halahi, mamungka sian kota na ummenek lalu tu kota na gumodang, tarmasuk ma disi Gasa dohot luat na humaliang.

2 JUJUR TAON 26:6

Marporang ma si Usia mangalo halak Pilistin. Ditolbak ia ma angka tembok ni kota Gat, Jabne dohot Asdod lalu dipajongjong ia ma angka kota na marbenteng di lambung ni Asdod dohot di luat na asing di Pilistin.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

JEREMIA 47:1

Taran so diporangi raja Mesir dope Gasa mangkuling ma Tuhan tu au salaho tu tano Pilistin.

JEREMIA 47:5

Dondonan ni arsak na godang ma halak Gasa; Askelon manguntam. Sadia honok ulaning halak Pilistin na teba i sai manyaroso?

ZEPANYA 2:4

Harana giot tinggalkonon ni halak ma kota Gasa jana Askelon gabe mamolngit; ayakon ma rayat ni kota Asdod di hatiha tonga ari jana Ekron dipartunggalbalikkon.

BAENON NI ANGKA RASUL 8:26

Ro ma sada surusuruan ni Tuhan mandok tu si Pilipus, “Jongjong ma ho! Kehe ma ho tu sabola Selatan dalan siboluson sian Jerusalem tu Gasa.” Dalan na dung tarulang do i.

PANGARATAION 2:23

Anggo tano na di topi ni Laut Tonga na dung dibuat ni angka halak na sian pulo Kreta do i. Madung diabisi halahi halak Awi, na mangingani tano i humani, lalu diingani halahi ma luat i lopus tu Selatan marbalok di kota Gasa.)

JOSUA 11:22

Umpe sahalak sian bangso Anaki i na tinggal di Luat Israel; tapi anggo di Gasa, di Gat dohot di Asdod laing adong dope na tinggal piga-piga halak nari.

JOSUA 13:3

dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 15:4

Sian i torus muse ma garis ni batas i tu Asmon, lalu manyoksok anak ni batang aek di parbatasan ni Mesir, dung i marujung ma di Laut Tonga. Songon i ma garis batas i sabola Selatan, luat ni Juda.

JOSUA 15:46

dohot sude angka kota dohot angka luat na di lambung ni Asdod, sian Ekron lopus tu Laut Tonga.

JOSUA 15:48

Angka kota na di dolok i ma: Samir, Jatir, Sokho, Dana, Kiryat-Sana (i ma Debir), Anab, Estemo, Anim, Gosen, Holon, dohot Gilo, pungu sabolas kota rap dohot angka luat humaliangna.