JOSUA 15:11 - BIBEL JAMITA NA DENGGAN

¹¹ Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga.

JOSUA 15:11 ပူးပေါင်းရင်းမြစ်များ

2 RAJA-RAJA 1:16

Jadi didok si Elia ma tu raja i, “Didok Tuhan: Na nisurumu do mangido panogu-noguon tu Baal-Zebub debata ni halak Ekron – songon dia ma na so adong Debata di Israel na gabe panyapaan – jadi nada ra be ho malum; mate noma ho!”

2 RAJA-RAJA 1:6

Dialusi halahi, “Na ro do sada bayo mandapotkon hami jana disuru ia hami mulak anso hami dok tu raja i na nidok ni Tuhan tu raja i, ‘Adong he na so adong be Debata di Israel umbaen na nisurumu mangido panogu-noguon tu Baal-Zebub debata ni halak Ekron i? Nada malum be hilalaonmu; mate noma ho!’ ”

2 JUJUR TAON 26:6

Marporang ma si Usia mangalo halak Pilistin. Ditolbak ia ma angka tembok ni kota Gat, Jabne dohot Asdod lalu dipajongjong ia ma angka kota na marbenteng di lambung ni Asdod dohot di luat na asing di Pilistin.

BILANGAN 34:6

Laut Tonga do parbalohan ni luatmunu sabola sian Hasundutan.

JOSUA 15:10

jana marhuliang ma i di Hasundutan ni Baala sabola tu partoran Edom lalu torus tu bagian Utara ni Dolok Jearim (i ma Dolok Kesalon), jana manuat muse tu Bet-Semes, dung i manggistang ma i tu Timna.

JOSUA 15:12

Songon i ma garis batas sabola Hasundutan ni luat ni Marga Juda. Di luat i ma maringanan angka halak na sian marga-marga ni Juda.

JOSUA 15:45

Tamba ni i taretong muse dope Ekron dohot angka luat na humaliangna,

JOSUA 15:9

dung i torus ma tu mual ni aek Me-Neftoah, torus tu angka kota na di lambung ni Dolok Efron. Sian i mangeldok do garis batas i sabola tu Baala (i ma Kiryat-Jearim),

HAKIM-HAKIM 1:18

Dung i dirampas halak Juda ma Gasa; Askelon; Ekron dohot na humaliangna.

1 SAMUEL 17:52

Anggo angka halak Israel dohot halak Juda marsurak-surak noma lalu mangkojar halak Pilistin mamungka sian Saaraim lalu tu Gat dohot tu pintu horbangan ni Ekron. Marserak ma sapanjang dalan i angka halak Pilistin na mabugang.

1 SAMUEL 5:10

Gabe ditaruhon ma Poti Parjanjian i tu Ekron, kota ni halak Pilistin na asing muse. Disi lalu Poti i disi, mangarar ma halak kota i, didok halahi, “Na giot mamunu hita sude do umbaen na dioban Poti Parjanjian ni Debata ni Israel i tusi.”

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.

1 SAMUEL 7:14

Sude kota na dung dibuat ni halak Pilistin, mamungka sian Ekron lalu tu Gat, dipaulak ma i tu Israel. Jadi gabe dapot Israel do sude mangulahi luat i. Jadi gabe mardame-dame ma ngolu ni halak Israel dohot halak Kanaan.