JOSUA 14:6 - BIBEL JAMITA NA DENGGAN

⁶ Sanoli ro ma angka halak na sian Marga Juda mandapotkon si Josua di Gilgal. Sada sian halahi, i ma si Kaleb anak ni si Jefunne na sian Marga Kenisi. Didok si Kaleb ma tu si Josua, “Josua! Diboto ho do sanga aha na nidok ni Tuhan di Kades-Barnea tu si Musa, suruan ni Debata i, salaho tu ho dohot tu au.

JOSUA 14:6 ပူးပေါင်းရင်းမြစ်များ

1 RAJA-RAJA 13:1

Laing di hatiha i disuru Tuhan ma sahalak panurirang sian Juda tu Betel. Lalu ma panurirang i disi jana hatiha jongjong si Jerobeam di jolo ni langgatan parhaulan ni haul i.

1 RAJA-RAJA 13:14

mangkojar panurirang na sian Juda i, didapot ia ma hatiha juguk di toru ni hayu na godang. “Ho dehe panurirang na sian Juda i?” ning ia manyapai. “Tutu,” ning bayo i.

2 RAJA-RAJA 4:16

Jadi didok si Elisa ma tusia, “Taon na ro songon on ma hatihana, marompa anak halaklahi ma ho inang.” “Ulang ma margabus amang!” nina dadaboru i. “Naposo ni Debata do amang!”

2 RAJA-RAJA 4:42

Dung salpu i, ro ma sahalak sian Baal-Salisa. Diboan ia ma tu si Elisa dua pulu roti na dipature sian gandum patumona ni na nikarejohon, dohot saotik gandum na baru disabi di bagasan hadangan. Dung i didok si Elisa ma, “Lehen ma i tu halak na bahat on, anso mangan halahi.”

2 RAJA-RAJA 4:9

Dung i didok dadaboru i ma tu halaklahinia, “Porsaya do au anggo bayo na sai maradian i dison, tutu situtu do i naposo ni Debata.

2 RAJA-RAJA 8:11

Dung i tajom ma panaili ni si Elisa tu si Hasael, jabat songon na susa dihilala si Hasael. Ompot ma tangis si Elisa.

2 RAJA-RAJA 8:7

Sanoli kehe ma si Elisa tu Damaskus. Topet hatiha marnyae Raja Benhadad. Di na tarbege tu raja i na di Damaskus si Elisa,

1 JUJUR TAON 23:14

Angka dakdanak ni si Musa naposo ni Debata i pe dietong masuk tu Marga Levi do.)

MASMUR 90:1

Ale Tuhan, Ho do inganan parlindungannami sian najolo, marsundut-sundut,

JEREMIA 35:4

Huoban ma halahi tu Bagas Ni Tuhan tu bagasan ni bilik ni anak sisean ni Panurirang Hanan anak ni si Jigdalya. Di ginjang ni bilik ni si Maaseya anak ni si Salum panjago pintu i do parpayak ni bilik i, di lambung ni bilik ni angka pagawe na asing.

BILANGAN 13:26

Dipaboa halahi ma i tu si Musa, si Harun dohot tu sude halak Israel na marlagut di Kades di Parhorsihan Paran. Dibaritahon halahi ma angka na niida ni halahi. Batu ni hayu na nioban ni halahi dipatidahon halahi ma tu halak Israel.

BILANGAN 13:30

Tapi dipasonang si Kaleb ma roha ni na marungut-ungut tu si Musa. Ninna si Kaleb, “Angkon kehe do hita mambuat jana mangarampas luat i laing saonnari, angke tuk do gogonta mangalo halahi.”

BILANGAN 14:24

Tapi anggo tu naposongKu si Kaleb, nada songon i. Tongtong do dioloi ia Au. Hara ni i ma angkon obanonKu ia tu tano na dung nibolusnia i. Jana tano na hornop inganan ni halak Amalek dohot halak Kanaan saonnari gabe bagian ni pomparan ni si Kaleb naposongKi. Antong ancogot mulak ma ho Musa, kehe tu parhorsihan adop Solok Akaba.”

BILANGAN 14:6

Dung i si Josua anak ni si Nun dohot si Kaleb anak ni si Jefunne, dua halak sian angka mata-mata i, manyuakkon pakean ni halahi hara ni marsakna.

BILANGAN 26:65

Madung didok Tuhan i hian do tu halahi bahaso angkon marujung di halongonan do ngolu ni halahi. Jana tutu do sude halahi mate, asing ni si Kaleb anak ni si Jefunne dohot si Josua anak ni si Nun.

BILANGAN 32:12

Sude halak on hona uhum, asing sian si Kaleb anak ni si Jefunne halak Kenas i, dohot si Josua anak ni si Nun, angke tongtong do dioloi halahi Tuhan i.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

PANGARATAION 34:10

Nada adong dope di Israel sada panurirang songon si Musa na paadop-adop mangkobari dohot Tuhan.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 TIMOTEUS 3:17

Mardongan Buku Na Badia i dipasingkop do sadenggan-dengganna sanga ise na mangoloi Debata di sude ragam ni parkarejoan na denggan.

JOSUA 10:43

Dung salpu i, mulak ma si Josua dohot tentarania i tu parbandaran na di Gilgal.

JOSUA 14:14

Lopus saonnari laing tean-teanan ni pomparan ni si Kaleb anak ni si Jefunne do kota i, halak Kenisi i, dibaen na setia do si Kaleb mangoloi Tuhan, Debata ni Israel.

JOSUA 15:17

Jadi dirampas si Otniel anak ni anggi ni si Kaleb na margoar si Kenas ma kota i; jadi dilehen si Kaleb ma si Aksa borunia i gabe ripe ni si Otniel.

JOSUA 4:19

Di tanggal sampulu bulan parjolo ma halak Israel lalu di bariba ni Jordan. Dung i marbandar ma halahi di Gilgal di Habincaran ni Jeriko.