JOSUA 14:15 - BIBEL JAMITA NA DENGGAN

¹⁵ Hebron, digoari do i najolo kota Arba. (Halak na gumodang sian tonga-tonga ni bangso Enak i do si Arba.) Dung i marongok ma parporangan di luat i.

JOSUA 14:15 ပူးပေါင်းရင်းမြစ်များ

PAMUNGKAAN 23:2

Di Hebron na di tano Kanaan do marujung ngolunia, jana diandungi si Abraham ma hamamatenia i.

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

1 JUJUR TAON 6:4

Parjojor ni tarombo ni si Eleasar songon on ma: Pinehas, Abisua,

NEHEMIA 11:25

Angkup ni sian horong Juda, adong do deba maringanan di kota pagaran dohot di ladang ni halahi na donok tu Kiryat-Arba dohot di pagaran na masuk tusi; di Kabseel dohot di pagaran na masuk tusi.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 14:14

Lopus saonnari laing tean-teanan ni pomparan ni si Kaleb anak ni si Jefunne do kota i, halak Kenisi i, dibaen na setia do si Kaleb mangoloi Tuhan, Debata ni Israel.

JOSUA 15:13

Hombar tu parenta ni Tuhan tu si Musa, dilehen ma deba luat ni Juda tu si Kaleb anak ni si Jefunne na sian Marga Juda. Dilehen disia Hebron, i ma kota ni si Arba, amang ni si Enak i.

JOSUA 21:11

Dilehen do tu halahi Kiryat-Arba (ima Hebron-Arba i ma goar ni amang ni si Enak), na di tano pardolok-dolokan ni Juda, dohot tano panjampalan na humaliangna.

JOSUA 21:12

Tapi angka kobun dohot kota na humaliang ni angka kota i, madung dilehen tu si Kaleb anak ni si Jefunne gabe ia nampunasa.

HAKIM-HAKIM 1:20

Songon na dung diparentahon ni si Musa, anggo Hebron dilehen do tu si Kaleb, dibaen madung dipaorot si Kaleb najolo anak ni si Enak na tolu i.

HAKIM-HAKIM 3:11

Jadi gabe sonang ma luat i opat pulu taon lolotna. Dung i marujung ma ngolu ni si Otniel.

HAKIM-HAKIM 3:30

Di ari i, talu ma Moab maradopkon Israel. Jadi sonang ma luat i salapan pulu taon honokna.

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.

HAKIM-HAKIM 8:28

Anggo halak Midian nada tolapsa be manggulot; ma talu halahi dibaen halak Israel. Jadi gabe aman ma luat i opat pulu taon lolotna, salolot di ngolu ni si Gideon.

1 SAMUEL 30:31

Sandok kota haporusan ni si Daud dohot anak buania i manjagit silua do sudena i sian ia.