JOSUA 13:33 - BIBEL JAMITA NA DENGGAN

³³ Tapi anggo Marga Levi nada mandapot tano hum saotik pe sian si Musa. Madung didok si Musa tu halahi, anggo bagian silehenon di halahi i ma, sian haul na nihaulkon tu Tuhan Debata ni Israel.

JOSUA 13:33 ပူးပေါင်းရင်းမြစ်များ

JEHESKIEL 44:28

Dijagit angka malim i do jabatan hamalimon i gabe songon bagian ni halahi sian na Hulehen tu Israel marsundut-sundut.

BILANGAN 18:20

Didok Tuhan muse tu si Harun, “Nada adong lehenon di hamu bagi aha tean-teanan. Sabagian tano pe nada adong di luat na Hujanjihon i nada adong ho puna. Au do Tuhan, Au do bagian siteanonmu.”

PANGARATAION 10:9

I ma dalanna nada manjagit tano Marga Levi songon angka marga na asing; hasangapan do na nijagit ni halahi anso gabe malim ni Tuhan songon na nijanjihon ni Debata.)

JOSUA 13:14

Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

JOSUA 13:32

Songon i ma dibaen si Musa marbagi tano na di Habincaran ni Jeriko dohot Batang aek Jordan dompak di napa na di Moab ia.

JOSUA 18:7

Hum Marga Levi sajo do na so dapotan parbagian tano rap dohot hamu, angke anggo bagian ni halahi, i ma: Gabe angka malim laho mangoloi Tuhan. Jana anggo salaho tu Marga Gad, Ruben dohot Manase Parhabincaran, na dung manjagit bagianna be do halahi di Habincaran ni Jordan. Na dung dilehen si Musa, naposo ni Tuhan i do tano i di halahi.”