JOSUA 13:31 - BIBEL JAMITA NA DENGGAN

³¹ Masuk muse dope satonga sian tano Gilead, dohot Astarot dohot Edrei, i ma sidua kota sabungan ni luat na nirajaan ni Raja Og di Basan. Dilehen sude luat i tu satonga marga na sian pomparan ni si Makir anak ni si Manase.

JOSUA 13:31 ပူးပေါင်းရင်းမြစ်များ

1 JUJUR TAON 6:71

Angka ripe sian horong ni si Gerson, manjagit angka huta na mangihut on rap dohot angka padang jampalan na humaliang: Di Luat Manase Parhabincaran: Golan di Basan dohot Astoret.

MASMUR 60:7

Au do nampuna Gilead dohot Manase, Efraim kupia bajangku jana Juda tungkot harajaonKu.

JOSUA 12:4

Raja na nitaluhon ni angka halak Israel muse, i ma Raja Og na sian tano Basan, na maringanan di Astarot dohot Edrei. Halak na tinggal sian bangso Refaim do ia.

JOSUA 13:12

Laing dohot muse do masuk tu luat ni halahi, tano ni Raja Og, halak Refaim na parpudi mamarenta di Astarot dohot Edrei. Madung talu dibaen si Musa angka bangso i jana diusir ia halahi morot sian luat ni halahi i.

JOSUA 13:32

Songon i ma dibaen si Musa marbagi tano na di Habincaran ni Jeriko dohot Batang aek Jordan dompak di napa na di Moab ia.

JOSUA 17:5

Hara ni i ma gabe sampulu bagian tano tu pomparan ni si Manase, asing sian tano Gilead dohot Basan na di bariba ni Batang aek Jordan.

JOSUA 17:6

Harana sude do borunia mandapot parbagian sarupa dohot bagian ni angka anak halaklahi. Tapi anggo tano Gilead parbagian ni sude Marga Manase ma i.

JOSUA 9:10

Bope sanga aha na nibaenNia tu sidua halak raja ni halak Amori di Habincaran ni Jordan, si Sihon raja ni Hesbon dohot si Og raja ni Basan na maringanan di Astarot.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

HAKIM-HAKIM 5:17

Halak Gilead maringanan di bariba ni Batang aek Jordan, jana Marga Dan biasi tinggal di kapal-kapal? Marga Aser juguk di topi ni laut, umpe ra ia morot sian angka solok-soloknia.

1 SAMUEL 12:10

dung i martangiang ma halahi tu Tuhan lalu mangoku, ‘Madung mardosa hami hara ni na marbalik sian Ho, ale Tuhan, jana hami somba angka patung ni Debata Baal dohot Astoret. Tapi saonnari, palua ma hami sian musunami, gabe mangoloi tu Ho ma hami!’ ”

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”