JOSUA 13:15 - BIBEL JAMITA NA DENGGAN

¹⁵ Deba sian tano na nijanjihon ni Tuhan i tu halak Israel, madung dilehen si Musa tu Marga Ruben.

JOSUA 13:15 ပူးပေါင်းရင်းမြစ်များ

PAMUNGKAAN 35:23

Angka on ma anak ni si Lea: Si Ruben (i ma anak siangkaan ni si Jakob), si Simeon, si Levi, si Juda, si Isakar dohot si Zebulon.

HARURUAR 6:14

Si Ruben, i ma anak siangkaan ni si Jakob, adong do opat anakna i ma: Si Hanokh, si Palu, si Hesron dohot si Karmi. Halak on ma na gabe ompu ni angka marga di horong ni si Ruben; digoari halahi do marga i mangihutkon goar ni halahi.

JOSUA 13:14

Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

JOSUA 13:16

Lalu do tano ni halahi tu Aroer (na di topi ni Batang aek Arnon) dohot kota na di tonga-tonga ni rura i lopus tu napa na gincat sudena na humaliang Medeba;

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

HAKIM-HAKIM 11:20

Tapi nada dipaloas si Sihon halahi. Dihara ia do sude tentarania lalu mambaen markas di Jahas, dung i diporangi halahi ma Israel.