JOSUA 13:14 - BIBEL JAMITA NA DENGGAN

¹⁴ Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

JOSUA 13:14 ပူးပေါင်းရင်းမြစ်များ

JEHESKIEL 44:28

Dijagit angka malim i do jabatan hamalimon i gabe songon bagian ni halahi sian na Hulehen tu Israel marsundut-sundut.

JEHESKIEL 44:29

Angkon mangolu sian gandum na dihaulkon do halahi, sian haul hasesaan ni dosa, dohot sian haul parsiding ni hararugi, jana sasude na dung diaturkon gabe hapunjunganKu, angkon lehenon do i tu halahi.

PANGARATAION 10:9

I ma dalanna nada manjagit tano Marga Levi songon angka marga na asing; hasangapan do na nijagit ni halahi anso gabe malim ni Tuhan songon na nijanjihon ni Debata.)

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 12:19

Denggan ma jagohon hamu anso ulang jabat tarlalap hamu tu horong Levi salolot mangolu hamu di tano i.

JOSUA 13:13

Tapi anggo halak na maringanan di Gesur dohot Maaka nada diusir angka halak Israel; laing maringanan di Israel do halahi.

JOSUA 13:15

Deba sian tano na nijanjihon ni Tuhan i tu halak Israel, madung dilehen si Musa tu Marga Ruben.

JOSUA 13:33

Tapi anggo Marga Levi nada mandapot tano hum saotik pe sian si Musa. Madung didok si Musa tu halahi, anggo bagian silehenon di halahi i ma, sian haul na nihaulkon tu Tuhan Debata ni Israel.

JOSUA 18:7

Hum Marga Levi sajo do na so dapotan parbagian tano rap dohot hamu, angke anggo bagian ni halahi, i ma: Gabe angka malim laho mangoloi Tuhan. Jana anggo salaho tu Marga Gad, Ruben dohot Manase Parhabincaran, na dung manjagit bagianna be do halahi di Habincaran ni Jordan. Na dung dilehen si Musa, naposo ni Tuhan i do tano i di halahi.”