JOSUA 13:13 - BIBEL JAMITA NA DENGGAN

¹³ Tapi anggo halak na maringanan di Gesur dohot Maaka nada diusir angka halak Israel; laing maringanan di Israel do halahi.

JOSUA 13:13 ပူးပေါင်းရင်းမြစ်များ

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

2 SAMUEL 3:3

Si Kileab. Inangna si Abigail tading-tadingan ni si Nabal na sian Karmel. Si Absalom. Inangna si Maaka boru ni Raja Talmai sian Gesur.

BILANGAN 33:55

Muda so ra na mangingani luat i dipaorot hamu gabe i ma na manyusai hamu songon horsik di mata sanga songon duri di pat muse gabe porangan ni halahi ma hamu.

PANGARATAION 3:14

Si Jair na sian Marga Manase, mambuat sude Luat Argob, i ma Basan lopus tu parbalohan ni Gesur dohot Maaka. Dibaen ia ma goar ni angka huta i mangihutkon goarnia sandiri, jana lopus saonnari laing tarbarita do i angka huta ni si Jair.)

JOSUA 12:5

Luat na nirajaannia dohot ma disi Dolok Hermon, Salka, sude Basan lopus tu Luat Gesur dohot Maaka; songon i muse tano Gilead satonga lopus tu luat na nirajaan ni Raja Sihon na sian Hesbon.

JOSUA 13:11

Tano Gilead, luat na humaliang Gesur dohot Maaka dohot sude Dolok Hermon, dohot sude Luat Basan lopus tu Salka, sudena luat i laing masuk do i di bagasan bagian ni Marga Ruben, Gad dohot satonga Marga Manase.

JOSUA 13:12

Laing dohot muse do masuk tu luat ni halahi, tano ni Raja Og, halak Refaim na parpudi mamarenta di Astarot dohot Edrei. Madung talu dibaen si Musa angka bangso i jana diusir ia halahi morot sian luat ni halahi i.

JOSUA 13:14

Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

1 SAMUEL 27:8

Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,