JOSUA 10:42 - BIBEL JAMITA NA DENGGAN

⁴² Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 10:42 ပူးပေါင်းရင်းမြစ်များ

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 80:3

Pasuang ma hami ale Debata; hara ni habasaonMu, tatap ma hami, jadi gabe malua ma hami.

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

JESAYA 43:4

Arga do ho Huida, Huhaholongi do ho jana Hubaen marmulia; gabe Hubaen angka jolma baen gontimu, jana angka bangso gonti ni hosamu.

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

JOSUA 10:14

Nada jungada tarjadi songon i jana indangkan na tarjadi muse be ari songon i, disi diihutkon Tuhan hagiot ni jolma, marporang Tuhan di pihak ni Israel!

JOSUA 10:43

Dung salpu i, mulak ma si Josua dohot tentarania i tu parbandaran na di Gilgal.